1-сентябрда Чүй жана Талас облустарында электр жарыгы өчөт

1-сентябрда Чүй жана Талас облустарындагы электр тармактарынын профилактикалык иштерине байланыштуу жарык өчөт. Бул тууралуу 28-августта "Түндүк электрдин" басма сөз кызматы билдирди.

Маалыматка караганда, саат 09:00дөн 17:00гө чейин Чүй облусунун Сокулук районуна караштуу Геологдор кыштагында, Шопоков шаарында, Төмөнкү-Чыгыш айылындагы аба электр чубалгыларын оңдоо иштерине байланыштуу электр жарыгы үзгүлтүккө учурашы ыктымал.

Оңдоо иштерине байланыштуу Талас облусунун Кара-Буура районуна караштуу Маймак, Саткей, Көк-Сай айылдарында 08:00дөн 17:00гө чейин электр жарыгы өчөт.