Бишкекте доллардын сатылышы 69 сом 50 тыйынга чыкты

Бүгүн, 14-сентябрда Бишкекте 1 доллардын сатылышы 70 сомго жакындады. Айрым акча алмаштыруучу жайлар 1 долларды 69 сомдун тегерегинде сатып алып, кайра 69 сом 50 тыйындан сатышууда. Бүгүн эртең менен эле 1 долларды 68 сом 90 тыйындан сатып жатышкан. Ал эми 11-сентябрь күнү кечинде долларды 67 сом 70 тыйындан сатып алып, 68 сом 40 тыйындан сатып жатышкан эле.

Орус акчасынын курсу да кымбаттап, 1 рублду 1 сомдон сатып алып, 1 сом 3 тыйындан сатышууда.

Буга Орусияга батыш өлкөлөрү жарыялаган санкциялар, экономикалык кырдаал, дүйнөлүк рынокто мунай баасынын кескин төмөндөшү өңдүү факторлор себеп болууда.

Автор: Жамалидин Парманкулов