№50-СИЗОдон качкан кылмышкерлердин иши боюнча соттук отурум 28-январга жылдырылды

№50-СИЗОдон качкан кылмышкерлердин иши боюнча соттук отурум 28-январга жылдырылды. Бул тууралуу бүгүн, 12-январда Бишкек шаардык сотунун канцеляриясынан билдиришти.

Маалыматка ылайык, бүгүнкү сот отурумуна кылмышка шектүү Эдил Абдрахманов алынып келбегенине жана айрым жабырлануучуларга сот боло тургандыгы тууралуу билдирүү кеч жетип, алар келбей калганына байланыштуу сот отуруму жылдырылды.

Эске салсак, 12-октябрга караган түнү Төмөнкү-Нооруз айылында жайгашкан №50-абактан жалпы 9 адам качып чыккан. Абактан качкан кылмышкерлердин колунан Жаза аткаруу мамлекеттик кызматынын кызматкерлери Таалайбек Өмүрзаков, Туратбек Садыбакасов, Орозбек уулу Фархат ошол күнү каза болушса, оор жаракат алган Тилек Абылгазиев ооруканада өзүнө келбей жатып жан берген.

Качып чыккан кылмышкерлердин бешөөсү ошол эле түнү МАИ кызматкерлери тарабынан колго түшүрүлгөн. Кармалгандардын арасынан үч кылмышкер: Муратбек Жумалиев, Таалайбек Жуманов жана Бакыт Кенжегулов жүрөк оорусу, дем алуу органдарынын жабыркашынан жана баш сөөгүнөн алган жаракатынан түрмөдө каза болушту.

Качып чыгып издөөдө жүргөн Данияр Кадыралиев Дордой конушунда 16-октябрда, 28 жаштагы Азамат Мусуралиев 20-октябрда Сокулукта өлтүрүлгөн. Издөөдө жүргөн кылмышкерлердин бири Эдил Абдрахмановду 22-октябрда кармоо учурунда анын бутуна ок тийген эле. Ага Чүй облустук ооруканасында операция жасалды. 22-октябрда Алтынбек Итибаевди Достук кичи районундагы №8-Б көп батирлүү үч кабаттуу үйдө кармоо операциясынын жүрүшүндө ал курал колдонуп каршылык көрсөткөн. Ок атышуу болуп, А.Итибаев өлтүрүлгөн.

Ал эми Алик Мамыркуловдун буйругу менен "коом үчүн коркунучтуу кылмышкерлердин түрмөдөн качуусуна жеткирген олуттуу каталарды кетиргени үчүн" деп №50-СИЗОнун бир топ жетекчилери иштен алынган. Алардын катарында Иманкул Телтаев да айыпталып, ЖАМК "тергөөнүн жыйынтыгына жараша Телтаев тийиштүү жазасын алат" деп билдирген эле. Телтаев №1-СИЗОнун медициналык бөлүмүндө шейшеби менен асынып алган.

Автор: Мальвина Уметбекова

12:28 12-01-2016

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 523 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 981 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 427 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1645 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 417 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 1852 0

Архив

Комментарийлер (3)

joodar_myrza

2016-01-12 12:33:53

Айрым жабырлануучуларга сот боло тургандыгы тууралуу билдирүү кеч жетип, алар келбей калганына байланыштуу сот отуруму жылдырылды. Демек ал билдируулордо 12-январь деп берилген, эми 28-январьга башкадан жонотуш керек. Ушинтип жылып отуруп 2017-жыл да келип калат. Сот болду дегенин уга элекмин, жылдырылгандан башка маалымат жок.

orhidea

2016-01-12 13:59:52

Башталды дагы фокустары. Ушинтип отуруп унуткарып койушат. 5-10 жылдан кийин жок болгон адамдар куноолуу экен деп чечим чыгарып койушат. Конуп деле калдык го.

Rifle_2

2016-01-12 15:00:14

Качкандар го келишет 3-4 жылда эптеп сот жылдырылып жатып. Качууга шарт түзгөндөргө качан сот болот ? Биз чындыкты билбей кала беребизби ?

Комментарий калтыруу үчүн өз ысымыңыз менен кириңиз же каттоодон өтүңүз.