Ош облусунда белгилүү мамлекеттик ишмер Абсамат Масалиевдин 80 жылдык мааракеси белгиленет. Бул тууралуу өкмөттүн Ош облусундагы өкүлчүлүгүнүн маалымат кызматы билдирди. 19-майда С.Ибраимов атындагы Ош облустук улуттук драма театрында өтө турган мааракенин алкагында илимий практикалык-конференциялар, көргөзмөлөр, спектаклдер уюштурулмакчы. Айта кетсек, Абсамат Масалиев 1933-жылы 10-апрелде Баткен облусундагы Кадамжай районунун Алыш айылында жарык дүйнөгө келген. 2004-жылы, 31-июлда 71 жаш курагында каза болгон.