Алмазбек Атамбаев карыларды майрамы менен куттуктады

Президент Алмазбек Атамбаев бүгүн, 1-октябрда карыларды майрамы менен куттуктады.

Куттуктоодо булар айтылат:

"Урматтуу мекендештер!

Бул күнү бүт дүйнөдө улуу муундагы адамдарга зор камкордук көрүлүп, маселелерине өзгөчө көңүл бурулат. Чынында, өз ата-энелерибиздин алдында, өз өмүрүн өлкөгө, балдарга, коомго арнаган бардык адамдар алдында баарыбыз жоопкербиз.

Мамлекеттик саясаттын акыбети, коомдун адеп-ыйман деңгээли улуу муундун жашоосунан, карыларга жасалган камкордугунан даана көрүнөт. Кыргызстан элинин улууларга урмат менен жасаган мамилеси, өзгөчө камкордугу - эзелтен келаткан салт. Элибиздин «карысы бардын ырысы бар» деген накыл кеби бир да заманда, бир да күнү маанисин жоготпойт.

Улуу муундан кийинкилер каармандыктын, мекенчилдиктин, чыдамкайлыктын үлгүсүн алууга тийиш. Алар согуштун каарын тартышкан, анын кесепеттерин жоюшкан, завод-фабрикаларды курушкан, мамлекетибизди түптөшкөн. Алар кандай гана оор заман башка түшпөсүн, эч качан багынып беришкен эмес, алар дайыма жаркын келечектен үмүтүн үзбөй, жакшы заман келерине бекем ишенишкен.

Азыр өлкөбүздө 425 миңден ашуун улгайган адам бар, анын ичинен 238 карыя 100 жылдан ашык өмүр сүрүп жатат. Пенсионерлерди жана ардагерлерди ар тараптан колдоо, улууларга камкордук социалдык да, гуманитардык да, мамлекеттик да милдет болуп саналат.

Урматтуу мекендештер!

Кымбаттуу ардагерлер, аталар, апалар, чоң аталар, чоң энелер!

Биз баарыңыздарга дагы эле карызбыз, ар бир улгайган кыргызстандык ар тараптан камкордукка бөлөнүшү үчүн милдеттүү экенибизди сезебиз. Бүгүнкү жаркын майрамыңыздар менен дагы бир жолу чын дилимден куттуктап, жылуу сөздөрүмдү жолдоймун. Өлкөбүздү ийгиликтүү өнүктүрүүгө зарыл болгон сиздердин бай турмуштук тажрыйбаңыздарды жогору баалайбыз жана кажыбас кайраттын, талыбас мээнеткечтиктин жана чыдамкайлыктын үлгүсүн алабыз! Кыргызстандын элинин атынан сиздерге чың ден соолук, бакубаттык тилеймин. Жакындарыңыздын кашында аманчылыкта өмүр сүрүңүздөр".

Автор: Автандил Добулбеков

11:51 01-10-2016

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (20)

Arslan12

2016-10-01 12:10:36

Президент Атамбаев келиптирби озу же Москвадан куттуктап жатабы!?!?!?

kubanaid

2016-10-01 12:52:49

барган окшойт ошого суйлоп атса керек

Kaary

2016-10-01 13:05:28

Кызык өзү сүйлөдү бекен? Тим эле укмуш сөздөр! Же жанындагылар жазып койду бекен? Деги өзү окуп чыкты бекен? Сак аман эле болсун А.Ш.А! :)

+10

Namystan

2016-10-01 13:18:05

Kaary, Ушунча жазган сон атын эле атап койсон болмок. Сен Кыргыз Республикасынын президентин сыйлабасан, копчулук элди сыйлабаган болосун. Мен чет жакта журуп башка олконун президенттерин андай мындай десен беттен алышат, президенттери жонундо эч нерсе деп айта албайсын.

-1

anyshka

2016-10-01 14:57:29

Namystan, Бай атакебиз копчулукту сыйлап жатабы? Кучко салып конституциябызга ондоо киргизип жатат. Аман болсок коробузго кучко салып законду бузуп конституцияга ондоо киргизгендер жообко тартылсын деген создорду.

Namystan

2016-10-01 18:25:10

anyshka, Кандайча тушунгон жокмун, эч ким кучтолгон жок, ал элге добушка койду, референдум деп коет аны, копчулук макул болсо отот болбосо жок.

-3

anyshka

2016-10-02 21:09:29

Namystan, коой референдум деп коебу? Уч окуудан откондой эле кошоматчы тиги бу водитель охраналарыле бутуруп коет ал жагын. Таанышы бар танка дегенди билесинби?

Arslan12

2016-10-01 15:19:53

Namystan,минус басайын десем плюс басылып кетти кечирип койгула!

-3

Kanatbek81

2016-10-03 02:11:20

Kaary,алкашпы такыбабы зато президентинер. Ал атайын болуп алган жок. коомго жараша башчы болот. Ажоонорду сыйлабаган элини кантип сыйлайсын?баары Аллахтын колунда кааласа азаптайт кааласа которот, сен эч нерсе кыла албайсын.

Sanzhyra

2016-10-01 13:09:55

Ага жазып даярдап беришет да

azamat.k

2016-10-01 13:20:16

Президенттин жаны ооруп жатса мындай куттуктоо соз айтыш оюнда болбосо керек.Бул созду президенттин тегерегиндеки уч адам эле жазып жарыя кылып коёт да.Деги КРга келди бекен президент сагындык келсин эми иштесин.

shamshiev.80

2016-10-01 13:25:08

azamat.k,аз калды деди го кулашына,Мадумаров.тфу,тфу астафуралла. ..

-4

nemo2016

2016-10-01 13:39:00

Бизда куттуктайбыз чон ата чон энелерибизди

tashi62

2016-10-01 14:21:53

Карысы бардын ырысы бар.АША өзү жок эми келбесе керек .

-5

bekhaliev

2016-10-01 14:49:20

завод-фабрикаларды курушкан,биз ошолорду сатып кун коруп жатабыс аталар энелер деп жазыш к.к эле.

zhykyo

2016-10-01 14:49:46

Президентибиз да 100го чыксын деп тилейм

-9

Elvanu

2016-10-01 17:29:31

Окунучтуу бизде эмне себептен Каарыган чон ата ,чон энелерибиз жокко эсе , Турктордо 80,90жаштан ашкан кемпир чалдары тим эле тын журушот экен ,Биздеги 60жаштагы Аталар апалардай . Буларда Врач деген укмуш карап , ушунчалык кучтуу экен медицина жашоого умут берип . Бизде Жакшы болбойт ,олот бул же болбосо башка жол жок дешип Больницада карашпайт деле , Бул жакта ииий койчу ар бир адамды керек болсо инсульт болгон адамдарды бутуна тургузуп кое экен.....

azamat.k

2016-10-01 17:44:28

Президент кайтып келиптир суйунуп жатабыз,кайтып келгендеки жанылыкта талкууну ачып койсонор озуно болбосо да ошол кабарга жакшы калоо тилек жазмакбыз.

-4

anyshka

2016-10-02 21:14:24

azamat.k, кошоматчы болуп кондук.

-1

admin_portal

2016-10-03 09:29:10

samidinova84, Namystan, жеке билдирүүлөр купуяга!

-1

Комментарий калтыруу үчүн өз ысымыңыз менен кириңиз же каттоодон өтүңүз.