2012-жылы өлкөдө өспүрүмдөр катышкан кылмыштардын саны азайган

Кыргызстанда 2012-жылы өспүрүмдөр катышкан кылмыштардын саны кыскарган. ЖКнын Коргоо жана коопсуздук боюнча комитетинин 14-майдагы жыйынында Коргоо жана коопсуздук боюнча өлкөнүн вице-премьер-министри Шамиль Атаханов ушундай деп билдирди. Атаханов өткөн жылы өспүрүмдөр арасында ири масштабда түшүндүрүү иштери жүргөнүн кошумчалады.

"Мектептердеги рекетчилик боюнча да иштер жасалды. Өспүрүмдөр арасындагы кылмыштуулук 10,8 пайызга кыскарды. Дагы жасалчу көптөгөн иштер бар, өкмөт аны көзөмөлгө алам",- деди ал.

Автор: Автандил Добулбеков