Компаниянын абоненттери ардагерлерге колдоо көрсөтүү үчүн 470 миң сомдон ашык каражат топтошту

MegaCom компаниясынын абоненттери Улуу Жеңиш күнүнө карата өткөрүлгөн SMS марафонго жигердүү катышты. Уюлдук оператор мындай марафонду жыл сайын өткөрүп келет. Быйыл өткөрүлгөн марафондо абоненттер 1945 кыска номуруна 22 миң SMS жөнөтүшкөн. "Улуу Жеңиш!" акциясынын жыйынтыгында 470 400 сом (салыктардан тышкары) топтолгон.

Өз операторуна арткан ишеними жана ардагерлерге көрсөткөн урматы, аларга жасаган астейдил мамилеси үчүн компания абоненттерине ыраазычылык билдирет. Жөнөтүлгөн ар бир билдирүү өзгөчө маанилүү. Топтолгон каражаттар 588 адамга даректүү жардам катары таратылат. Алардын катарын Улуу Ата Мекендик согуштун ардагерлери жана майыптары түзөт.

Компания өз кезегинде Кыргыз Республикасынын Коргоо иштери боюнча мамлекеттик комитети тарабынан түзүлгөн тизмеге ылайык акча каражаттарынын бардыгына бирдей бөлүнүп берилишине кепилдик берет. Акциянын жыйынтыгы тууралуу маалымат менен компаниянын расмий сайты, Facebook, Instagram, Twitter жана Одноклассники социалдык тармактарынын расмий баракчалары жана да ММК аркылуу таанышууга болот.

Эскерте кетсек, салтка айланып калгандай, 9-Майга карата MegaCom ар бир колдоого алынган ардагерге жеке каражаттарынын эсебинен 2000 сомдон бөлүп берди. Алар үчүн майрамдык концерт, «Жакындарга чалуу» жана «Полктошторуна чалуу» акысыз линиялары уюштурулду.

Эч ким, эч нерсе унутулбайт!

Автор: Гүлжан Асанкожоева

16:33 27-05-2017

Жазылуу

РУБРИКАДАГЫ СОҢКУ КАБАРЛАР

18:56 2025-05-13 | Саясат

Айбек Жунушалиев жетекчилерге бир катар тапшырмаларды берди 32 0

18:35 2025-05-13 | Коом жана турмуш

Кыргызстандык окуучулар Ташкентте өткөн эл аралык олимпиадада байгелүү орундарды алышты 85 0

18:32 2025-05-13 | Коом жана турмуш

Бишкек ЖЭБинде жылуулук берүү жабдууларын оңдоо иштери жүрүүдө 45 0

17:53 2025-05-13 | Коом жана турмуш

Балык уулаган жарандарга 270 миң сом айып пул салынды 252 0

17:48 2025-05-13 | Түркүн дүйнө

Актёр Жерар Депардье 1,5 жылга шарттуу кесилди 360 0

17:35 2025-05-13 | Коом жана турмуш

Орусиянын кара тизмесинен 4 миң кыргызстандык мигрант чыгарылды 396 0

Архив

Комментарийлер (4)

dastan_nookat

2017-05-27 16:39:01

MegaCom Алга!

Beki092

2017-05-27 16:59:39

Окмот дагы элден чогултат мобильной оператор да элден чогултат эмне болду бир нерсе болсо эле
Элден чогултуп уйронуп алдынар
Озунорда бергиле да аз болсо да

Bolunbo.kyrgyz

2017-05-27 17:17:33

Beki092,алган колго караганда берген кол жакшыраак

Seryi-Kardinal

2017-05-27 17:21:50

bilain nege ot4et berbeit,men owogo kotorgon bol4umun

Комментарий калтыруу үчүн өз ысымыңыз менен кириңиз же каттоодон өтүңүз.