Садыр Жапаровдун иши боюнча күбө: "Мага Садыр Жапаров митингге 4 миллион сом чыгым кылганын айткан"

Бүгүн, 7-июлда Биринчи Май райондук сотунда Садыр Жапаровдун ишин караган соттук отурум өтүүдө. Соттук отурумдун жүрүшүндө судья Эмил Каипов күбө катары суралуучу абакта жаткан Кеңеш Жумабаевдин өтүнүчүн окуп берди. Ал өтүнүч катында отурумга коопсуздугу үчүн катыша албастыгын билдирген.

Жактоочу Шарабидин Токтосунов: "Бүгүнкү күндө Жапаровдун ак экени белгилүү болууда. Күбө көрсөтмө берүүдөн баш тарта албайт. Ал абакта жатып кат жазса акт түзүп отурумга катыштырбай коюу адилетсиздик", - деди.

Ал эми Садыр Жапаров: "Бул эмне деген акмакчылык. Эркинен ажыратылган кишини күбө катары алып келишиңер керек. Мыйзамды тебелегендин да чеги болот. Мен ал кишиге суроолорум бар. Буга чейин тасмага тартууга тыюу салдыңар. Макул дейли, анын коопсуздугу үчүн ал келип көрсөтмө берип жатканда аудио жазууну да чектеп койгула", - деди.

Ошондой эле соттук отурумдун жүрүшүндө эркинен ажыратылып, жазасын өтөп жаткан күбө Наристе Калчаев суралды.

"2013-жылы 7-октябрда митинг өткөрүүнү эл менен пландаганбыз. Ошол күндөгү митингди эл жыйын өткөрүп белгилеген. Ага чейин митинг тууралуу жолугушуу Садыр Жапаровдун үйүндө болгон. Ал күнү өкмөттүн Ысык-Көл облусундагы өкүлүн кызматтан кетирүү боюнча Садыр Жапаров үн кошкон жок. Митингди каржылоодо Саруу айылынын жаштары чөп сатып жол кире кылганбыз. Мага Садыр Жапаров митингге 4 миллион сом чыгым кылганын айткан. Каптагаевди барымтага алгандарды көргөн эмесмин. Митингде баш аламан болуп кетти. Каптагаевди барып көрсөм бети-башы соо, жарылган эмес экен. Эл көп болуп адамдар бири-бирин укпай жатышты. Кийин бизди кармаганда бет кап кийген адамдар 3-4 саат сабады. 3 жолу эсимди жоготтум. Атайын химиялык зат менен эсиме келтирип жатышты. Алар "ким митингди каржылады" деген суроону берип сабашты", - деп көрсөтмө берди Калчаев.

Эскерте кетсек, 2017-жылдын 25-мартында Садыр Жапаров Казакстандан Кыргыз мамлекетине киргенде аны чек арадан УКМКнын кызматкерлери кармап кеткен. Ал "бейбаштык", "бийлик өкүлүнө карата зордук-зомбулук көрсөтүү", "барымтага алуу" жана башка беренелер боюнча айыпталууда. 26-мартта Садыр Жапаров Биринчи Май райондук сотунун чечими менен тергөө бүткүчө Бишкектеги №1-тергөө абагына камалган. 6-апрелде Бишкек шаардык соту райондук соттун чечимин күчүндө калтырган. Ал эми 24-апрелде Бишкектин Биринчи Май райондук соту Жапаровду камакта кармоо мөөнөтүн 28-майга чейин узарткан. Бул чечимди Бишкек шаардык соту күчүндө калтырган болчу.

Автор: Акназар Сулайманкулов
Фото: Акназар Сулайманкулов

16:33 07-07-2017

Жазылуу

Тектеш кабарлар:

ИИМ: "Кармалган митингчилерге "Тез жардам" кызматы келген"

Жактоочу сотко Садыр Жапаровду үй камагына чыгарууну сунуштады

Аида Салянова Жаза аткаруу кызматынын төрагасынан Садыр Жапаровдун баласынын абалы тууралуу сурады

Садыр Жапаровдун сотунда мурдагы Башкы прокурор Аида Салянова 18 баланын кыйноого алынганын карабай койгону айтылды

Садыр Жапаровдун сотунда тараптар жарыш сөзгө чыгышты

ЖАМК: "Садыр Жапаров өз колун жана моюнун кескен"

Бүгүн Жогорку Сотто Садыр Жапаровдун иши каралат

Шаардык сот Садыр Жапаровдун баласын камакта калтырды

Садыр Жапаровдун ур-тепкиге алынып кармалган уулдарына эмне чара көрүлгөнү белгилүү болду

Садыр Жапаровдун камакка алынган тарапташтарынын энелери митингге чыгышты

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (11)

Alibek-0001

2017-07-07 16:44:06

Садыр Жапаров чыксын

+16

Alibek-0001

2017-07-07 16:44:19

Бошоткула ХХХ

+12

Begmat1992

2017-07-07 17:01:22

Кандай акмакчылык 4 ай убактынар калды баарын оз жазанарды аласынар сот пракрор баш аламандык уюштурган мискенбаев Жапаров акталып чыгат уялбайсынарбы камакта олтурган адамдан зордуктап куч менен коргозмо алганга чындыкты айтып бербесин деп атайын кат жаздырып алгансынар кучко салып

+14

Omurbek998

2017-07-07 17:30:02

Президент Садыр Жапаров

+10

Begimkyz

2017-07-07 17:54:59

АШАнын деле доору бутот, ошондо ушул сотторду озуну отургузуш керек. Акталып турса деле, болбогон кат менен алдайсынар, позор окмот башчы, Кудай деп какшап калбасанар экен.

+14

Patriot7

2017-07-07 18:15:07

Башаламандыкты Мискенбаев же Мусабекова уюштурса керек, болбосо Мотуевден сурап коргуло, сен эмес белен деп. Божомолдоп эле адам камай берсенер...

Alik.muslim

2017-07-07 18:32:25

Жапаровко боштондук!!!

BekAmir

2017-07-07 19:35:00

Жапаров керек Кыргызга

jbolotov

2017-07-07 20:01:34

Кандай мамлекетте жашап атабыз? Банановая республикадан айырма калбады. Ким кучтуу бандит же бийлик болсо ошолор бийлеп калдыго. Атамбаев срочно кетбесе кыйын эле болуп калды

jbolotov

2017-07-07 20:06:08

Ушул коюлган айыптоолор болгон кундода Кыргыз мамлекетинин коопсуздугу кызыкчылыгы учун С.Жапаров иштеши керек. Бугунку кундо Кытайга биз кунуно 470 мин$ доллар карыз болуп процент осуп атыптыр, олкобуздун коопсуздугун ушуга жеткирген Атамбаев, жаны окмот баары ото катаал жазага тартылыш керек

kubatbek.k

2017-07-07 23:32:41

sadyr.sabyr sabyr

Комментарий калтыруу үчүн өз ысымыңыз менен кириңиз же каттоодон өтүңүз.