Парламенттеги көпчүлүк коалиция өкмөттүн 2012-жылдагы жасаган иштери боюнча отчётун “канааттандырарлык” деп баалады

Бүгүн, 20-майда парламенттеги көпчүлүк коалиция өкмөттүн 2012-жылдагы жасаган иштери боюнча отчётун “канааттандырарлык” деп баалады. Отчётту премьер-министр Жантөрө Сатыбалдиев берди.

Депутат Эркин Алымбеков өкмөт толук курамда келип отчёт тапшырганын айтып, суроо бергенге жетишпей калган депутаттар пленардык жыйында тиешелүү жоопторун алышарын билдирди.

Айта кетсек, өкмөттүн 2012-жылдагы аткарылган иштери боюнча отчёту Жогорку Кеңештин жалпы жыйынында 23-май күнү каралат.

Автор: Ширин Жумадилова