Ошто адам өмүрүн сактап калган мектеп окуучуларына ӨКМ Ардак грамота тапшырды

ӨКМнын Ош шаардык башкармалыгынын өкүлү Нурланбек Баймуратов адам өмүрүн сактап калган окуучуларга Ардак грамота тапшырды

Сууга агып бара жаткан 3 баланы куткарып калган мектеп окуучулары баатырдыгы үчүн грамота алышты

Ломоносов атындагы №3-орто мектептин окуучулары эр жүрөк окуучуларды сыйлоо аземинде

Ушул 8 окуучу 3 адамдын өмүрүн куткарып калышты

21-май күнү ӨКМнын Ош шаардык башкармалыгынын өкүлү Нурланбек Баймуратов шаардагы Ломоносов атындагы №3-орто мектепте чакан жыйын өткөрүп, мектептин 8 окуучусуна салтанаттуу түрдө Ардак грамоталарды тапшырды. Буга окуучулардын жасаган эрдиги себеп болду. Эске салсак, аталган мектептин 7-классынын 8 окуучусу Араван-Ак-Буура каналынан сууга агып бара жаткан 3 баланы куткарып калышкан. Адам өмүрүн сактап калгандыгы жана баатырдыгы үчүн окуучуларга ыраазычылык билдирип жатып, “ушундай эр жүрөк балдардан келечекте өлкөбүздөн татыктуу жарандары өсүп чыгат”,- деди Баймуратов.

Автор: Ширин Турдакунова