Тоң районунда мүрзөгө уурулукка кирген 2 адам кармалды

Ысык-Көл облусунун Тоң районунда мүрзөдө орнотулган эстеликти бузуу кылмышы боюнча шектелип 2 жаран кармалганын Ысык-Көл ОИИБинин маалымат кызматы кабарлады. Тоң районундагы Бөкөнбаев айылынын тургуну Максат У. РИИБге кайрылып, 18-май күнү белгисиз адамдар апасынын күмбөзүндө орнотулган эстеликтин арматурасын уурдап кеткендигин айткан. Мындай кабардан соң ыкчам иликтөө иштери жүрүп, аталган окуяга шектелип 58 жаштагы Төлөнбай К. жана 45 жаштагы Бактыбек Ш. кармалды. Алар жасаган кылмыштарын моюнга алышты жана окуяга далил буюм кайтарылып алынды. Күнөөлүүлөр убактылуу кармоочу жайга киргизилип, кылмыш иши козголду.

Автор: Автандил Добулбеков