"Кыргыз өкмөтү менен "Центерранын" келишими бардык инвесторлор үчүн маанилүү кадам" дейт Аскар Сыдыков

Эл аралык ишкерлер кеңештин жетекчиси Аскар Сыдыков министрлер кабинетинин макулдашууга келгендиги боюнча билдирүүсүнө комментарий берип жатып "Центерра" менен кыргыз өкмөтүнүн сүйлөшүп, макулдашууга жеткени республиканын инвестициялык климатына жакшы таасир берет" деди. Анын пикиринде, келишимдин бардык майда-чүйдөлөрү белгилүү болгондон кийин гана толук баа берүүгө болот. "Бирок Кыргыз өкмөтү менен инвестор акыры бир пикирге келиши жана экологиялык төлөмдөрдү көбөйтүү чечими, соттук талаштарды жөндөө - жакшы жаңылык. Оор кырдаалды чечүүгө карай жакшы кадам. Эң башкысы, Кыргыз өлкөсүнүн сотторунда жана эл аралык арбитраждарда миллиарддаган доо-арыздар боюнча соттук териштирүүлөр жүрбөйт. Бул өлкөбүздүн инвестициялык климатына олуттуу сокку болмок", - деп эсептейт Аскар Сыдыков.

"Кыргыз өлкөсү сөзсүз уткан абалда болору белгилүү, ал эми "Центерра" бул келишимден кандай пайда табат деген суроо туулат" деп белгилейт ал. "Менин оюмча, алтын өндүрүүчү компаниянын утушу – бул өкмөт экологиялык доолорун кайтарып алат да, компанияга өз чындыгын далилдөө жана арбитраждык териштирүүнү улантуу убарасынан кутулат. Эл алдындагы компанияга мындайдын кереги жок, себеби буга окшогон талаш-тартыштар баарынан мурун акциялардын баасына терс таасирин тийгизет", - дейт Аскар Сыдыков. Ошентсе да мындан ары жергиликтүү калк нааразы болуп, каршылык акцияларына чыгып инвестордун тынчын алганды токтотот деп эч ким кепилдик бере албайт деп эсептейт эксперт.

"Кылгандан айткан оңой. Ал тургай өкмөт да келечекте чыр-чатактар пайда болбойт деп толук кепилдик бере албайт. Бул эки тарап эл менен канчалык натыйжалуу иштешүүсүнөн, аймакты өнүктүрүү жана колдоого инвестор бөлүп берген акчанын ачык-айкын түшүндүрүү иштерин жүргүзүүдөн көз каранды", - деп кошумчалайт Аскар Сыдыков. Эл аралык ишкерлер кеңешинин жетекчисинин ою боюнча, макулдашууга жетүү министрлер кабинетинин сиңирген эмгеги деп атоого болот. Өкмөт акыркы жыл ичинде канадалык өнөктөш менен оңойго турбаган сүйлөшүүлөрдү жүргүзүп, акыр аягында министрлер кабинетинин жаңы курамы менен марага жетти. "Узак убакыт бою "Кумтөр" маселеси боюнча аткаминерлердин чогуу иш алып барганы өз жемишин берди. Бул мактоого татыктуу", - дейт эл аралык ишкерлер кеңешинин жетекчиси.

Автор: Жазгүл Мамытова

17:38 07-09-2017

Жазылуу

РУБРИКАДАГЫ СОҢКУ КАБАРЛАР

09:53 2025-06-28 | Түркүн дүйнө

Amazon компаниясынын негиздөөчүсү Жефф Безос үйлөндү 105 0

09:33 2025-06-28 | Коом жана турмуш

Такыр-Төр көлүнүн жырылышына байланыштуу кошумча маалымат берилди 317 0

09:21 2025-06-28 | Саясат

Президент Садыр Жапаровдун Беларуска болгон иш сапары аяктады 192 0

23:44 2025-06-27 | Коом жана турмуш

28-июнга карата аба ырайы 577 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 2606 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1692 0

Архив

Комментарийлер (5)

dysha

2017-09-07 17:16:54

туура, маселени сотсуз чечкен бул окмоттун ишинин сапатын корсотот. инвесторлор деле ойлотта, сотсуз келишимге келсе анда булар менен иштесек болот деп

Belekus

2017-09-07 17:17:44

ушундай кадамдар менен инвестициялык климатты ондошубуз керек

idin

2017-09-07 17:18:48

Belekus, кошулам!

-1

Too-tash

2017-09-07 21:10:38

idin, Центерра улгулуу инвестор деп бийлик менен бийликтин Арзыматтары кайталаган калпты кайталаганды токтоткулачы.... Центерра Кумторго келгенден бери Кыргызстандын алтын-кумушу инвестор деген атты жамынган Канадалык жегичтер менен бийликтеги коррупционерлердин чонтогун толтуруп жатат. Болбосо бул алтын-кумушко Кыргызстан 20 жыл аралыгында 30-40 ири завод-фабрика же жуздогон заманбап мектеп, ондогон оорукана кура алмак....

Кайсы логика менен Центкрраны инвестор дейсинер, тушунбойм

jaazira13

2017-09-07 17:22:20

-1

Комментарий калтыруу үчүн өз ысымыңыз менен кириңиз же каттоодон өтүңүз.