ЖЫЛНААМА, 8-СЕНТЯБРЬ: Ачкадан өлгөн эл, кыйраган хансарайлар. Ленинград блокадага алынганына 76 жыл болду

Баатыр шаар Ленинграддын (азыркы Санкт-Петербург) фашисттердин блокадасына алынганына 76 жыл болду. Улуу Ата Мекендик согуш учурунда 1941-жылдын 8-сентябрында Ленинград шаары фашисттер тарабынан курчоого алынган. Блокада 1944-жылдын 27-январына чейин созулуп шаар 872 күн бою фашисттердин курчоосунда турган. Курчоодо 2 миллион 544 миң жаран калып, анын 400 миңге жакыны жаш балдар болгон. Бирок шаардыктар каармандык көрсөтүп, душмандарга баш ийип беришкен эмес.

Шаар жашоочуларын эвакуациялоо учурунда фашисттер тынбай кол салып турушкан.

Сентябрь-октябрь айларында фашисттер эртең менен жана кечинде абадан аткылап турушкан. Жалпысынан блокада учурунда Ленинградга 150 миң снаряд, 107 миңден ашуун жардыруучу бомба ташталган. Анын кесепетинен 3 миң имарат бузулуп, 7 миңден ашыгына зыян келтирилген. Согуш учурунда кыйраган маданий-тарыхый жерлер анын ичинде Екатерина хансарайы жана башкалар боюнча немистер күнөөлүү деп айтылып келет. Баалуу буюмдардын басымдуу бөлүгү Германияга жеткирилген дегендер да бар.

Ачкачылыктан 630 миң адам көз жумган. Шаардын көчөлөрүндө өлүктөрдүн жатышы кадимки көрүнүш болуп калган. Көпчүлүгүнүн сөөгү Пискарев мемориалдык көрүстөнгө коюлган.

Душмандардын курчоосунда калган Ленинградда ачкачылык башкы көйгөй болгон. Социалдык жактан муктаж болгондорго жана балдарга 20-ноябрдан 25-декабрга чейин күнүнө 125 граммдан гана нан берилген. Жумушчуларга 250 граммдан, ал эми аскердик күзөт, өрт өчүрүү боюнча команданын мүчөлөрүнө 300 граммдан нан берилген. Нан кебек жана сулу акшагынан жасалгандыктан өңү кара, даамы ачуу болгон.

Ленинграддан 1,5 миллион эл башка жакка көчүрүлгөн. Шаар тургундарынын арасында өз үйлөрүн таштап кетүүгө каршы чыккандар да болгон. Буга байланыштуу түшүндүрүү иштери жүргүзүлүп турган. Курчоого алынган Ленинградда биринчи кыш аябай суук болуп, термометрдеги көрсөткүч - 32,1 °C'ге жеткен. Кыш май айына чейин созулган. Үйлөргө жылуулук, ичүүчү суу берилбей, канализация иштебей калган. Адамдар мешке от жагып, китептерди, эмеректерди күйгүзгөнгө мажбур болушкан.

8-сентябрдын жылнаамасы.

Автор: Айпери Ганыжан кызы
Фото: Интернеттен алынды

17:28 08-09-2017

Жазылуу

РУБРИКАДАГЫ СОҢКУ КАБАРЛАР

09:53 2025-06-28 | Түркүн дүйнө

Amazon компаниясынын негиздөөчүсү Жефф Безос үйлөндү 105 0

09:33 2025-06-28 | Коом жана турмуш

Такыр-Төр көлүнүн жырылышына байланыштуу кошумча маалымат берилди 317 0

09:21 2025-06-28 | Саясат

Президент Садыр Жапаровдун Беларуска болгон иш сапары аяктады 192 0

23:44 2025-06-27 | Коом жана турмуш

28-июнга карата аба ырайы 577 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 2606 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1692 0

Архив

Комментарийлер (1)

OMURBEK.

2017-09-08 22:14:47

Азыркы жашообузга мин мертебе шугур кылаы
Шугур кылалы десек чондорубуз кыжырды келтирип жатбайбы ач коздоноуп мага мага озумо деп
Ал аз келгенсип мьянма да ото журокту эзип оорутуп жиберди бирок будистер ажыдардын куйругун тепселеп алганын байкабай калышты Эми тынч койбойт мусулмандар бирдемке болселе терориис
терорис дейт ХХХХ

Комментарий калтыруу үчүн өз ысымыңыз менен кириңиз же каттоодон өтүңүз.