Туризм тармагынын мыктыларын аныктаган "Kyrgyz Tourism Awards" улуттук сыйлыгы үчүн сынак жарыяланды

Маданият, маалымат жана туризм министрлигинин алдындагы Туризм департаменти 17 номинация боюнча "Kyrgyz Tourism Awards" улуттук сыйлыгы үчүн сынак жарыялады. Бул тууралуу аталган департаменттен билдиришти.

Маалыматка караганда, сыйлык төмөнкү номинациялар боюнча берилет:

Кыргыз өлкөсүндөгү туризмдин түрлөрү боюнча мыкты инновациялык долбоор;
Окуялуу туризм боюнча мыкты долбоор;
Кыргыз Республикасындагы мыкты туристтик компания;
Мыкты конок үйү;
Кыргыз Республикасындагы мыкты мейманкана;
Кыргыз Республикасынын туризм тармагындагы мыкты туристтик комплекс;
Туризм тармагындагы мыкты интернет долбоор;
Кыргыз мамлекетиндеги туризмди өнүктүрүү боюнча мыкты долбоор;
Туризмди өнүктүрүү боюнча Кыргыздагы мыкты дипломатиялык өкүлчүлүк;
Туризм багыты боюнча билим берген мыкты окуу жай;
Кыргыз өлкөсүндөгү туризмди өнүктүрүү боюнча мыкты аймак;
Туризмдин өнүгүшүнө салым кошкон мыкты массалык маалымат каражаты;
Өлкөнүн туризмин өнүктүрүүгө салымын кошкон туризм тармагындагы мыкты серепчи;
Кыргыз Республикасынын мыкты гиди;
Мыкты фотограф жана видеограф;
Мыкты курорттук мекеме;
Мыкты боз үй шаарчасы;

Улуттук сыйлыкты тапшыруу аземи 27-сентябрда өтөт. Ага катышууну каалагандар 15-сентябрга чейин долбоорлорун жөнөтүшү керек. Уюштуруучулардын айтымында, бул сынак буга чейин 2014-жылы өткөрүлгөн. "Kyrgyz Tourism Awards" өлкөдөгү туризмдин сапатын жакшыртуу жана туризм тармагында эмгектенгендерге стимул берүүнү көздөйт.

Автор: Саадат Токтоболот кызы
Фото: Интернеттен алынды