Бишкектеги жаңы конуштарда 2 мектеп, бир бала бакча ачылат

2017-2018-окуу жылынын аягына чейин Бишкектеги Ак-Ордо конушунда 960 орундуу мектеп колдонууга берилип, Мурас-Ордо конушунда жаңы мектеп курулат. Бул тууралуу бүгүн, 18-сентябрда өткөн маалымат жыйынында Бишкек шаарынын мэриясынын Коомдук-мамлекеттик капиталдык курулуш башкармалыгынын башчысы Сталбек Өмүрканов билдирди.

"Бишкекте 49 жаңы конуш бар болсо, ал жакта 30 гана мектеп иштейт. Көлмө конушунда 1993-жылдан бери иштебей турган бала бакчаны оңдоп-түзөө иштери бүтөйүн деп калды. 20-октябрда 160 баланы батырган бала бакча колдонууга берилет", - деди ал.

Мэриянын өкүлдөрүнүн билдиргенине караганда, быйылкы окуу жылынын башында Жал кичи районунда 600 орундуу, Калыс-Ордо конушунда 660 орундуу мектеп колдонууга берилген. Ошондой эле 140-бала бакчанын тегерегине тосмо орнотулган.

"Учурда кооптуу абалдагы 25, 28, 10, 44-мектептерде оңдоп-түзөө иштери жүрүп жатат. Алардын үчөө 4 жылдан бери иштебей турган. Бул мектептерди 2017-жылдын аягына чейин колдонууга берүү пландалууда", - деп билдирди Капиталдык курулуш башкармалыгынын башчысы Нурлан Эшенбаев.

Ал эми мэриянын билим берүү башкармалыгынын башчысы Сауле Мейрманова ушул жайда ата-энелер Бишкектеги мектептерди оңдоп-түзөө иштери үчүн 57 миллион сомдон ашык акча топтоп бергенин кошумчалады.

Автор: Саадат Токтоболот кызы
Фото: Саадат Токтоболот кызы

12:19 18-09-2017

Жазылуу

РУБРИКАДАГЫ СОҢКУ КАБАРЛАР

00:27 2025-07-15 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 5076 0

00:26 2025-07-15 | Түркүн дүйнө

Ташкентте машинасына тирүү балыктар менен "тюнинг" жасаган айдоочу айыпка жыгылды (видео) 654 0

00:11 2025-07-15 | Түркүн дүйнө

"Реал Мадриддин" жылдызы карьерасын италиялык клубда улантат 337 0

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 604 0

23:51 2025-07-14 | Коом жана турмуш

15-июлга карата аба ырайы 261 0

23:41 2025-07-14 | Түркүн дүйнө

Тбилисиде 5 кабаттуу турак үй урап түштү 436 0

Архив

Комментарийлер (4)

Kuba-savai87

2017-09-18 12:29:22

Ак ордодогу мектепти чыдамсыздык менен кутуп атабыз. Качан ачылат?

Midub

2017-09-18 12:44:23

Ак-Жарга да ачкыла

Petrovka

2017-09-18 22:36:17

Супер инфо Тынчтык конушуна качан мектеп салынат экен маалымат берип койсонор жакшы болмок. Балдарыбыз кыйналышты мектеп жок мектеп узак кышында аябай кыйналышат

admin_superstan

2017-09-19 10:34:31

Petrovka, саламатсызбы! Сунушуңузга рахмат, тиешелүү бөлүмгө жеткирилди.

Комментарий калтыруу үчүн өз ысымыңыз менен кириңиз же каттоодон өтүңүз.