Алмазбек Атамбаевдин кызы Алия Шагиева Кыргыз-Казак чек арасынан өтүү үчүн 2 саат кезек күткөнүн билдирди

Президент Алмазбек Атамбаевдин кызы Алия Шагиева Кыргыз-Казак чек арасындагы көзөмөл өткөрүү бекетинде 2 саат кезек күттү. Бул тууралуу ал интернеттеги баракчасына жазды.

Шагиеванын билдирүүсүнө ылайык, ал Киевде өтө турган сүрөт көргөзмөсүнө Алматы аркылуу учмак.

"Биз Алматыга баруу үчүн акылсыздык кылып өзүбүздүн унаабызды айдап алганбыз. Буга байланыштуу чек арадагы көзөмөл-өткөрүү бекетинде 2 саат турдук. Көрсө такси менен келип, чек ара бекетинен жөө өтүп, кайра таксиге отуруу туура болмок экен. Жети айлык балам жанымда болгондуктан мен бир аз ачуулана баштадым. Уулум Таир ыйлап баштады, күйөөм мени тынчтандырып жатты. Учактын уча турган убактысына кечигип калабыз деп ойлоп, бул абалга бир тарабынан ыйлагым келсе, бир жагынан күлкүм келди. Бизге кезек жетип, көзөмөл-өткөрүү бекетине келгенде биз Таирди жалпы жарандык паспорту жок эч жакка алып кете албастыгыбызды билдик. Ошондо 7 айлык баланын да жалпы жарандык паспорту болуш керек экендигин биринчи жолу билдик" - деп жазган Шагиева.

Мындан кийин түгөйлөр уулун чоң энесине таштоону туура көрүп, кайрадан шаарга кайтып келишкен. Кайненеси баласын алып калып, өздөрү таксиге отуруп чек ара бекетине келип, жөө өтүшкөн.

"Биз чек арадагы көзөмөл-өткөрүү бекетинен өтүп, таксиге отурган кезде түнкү саат 02:30 болчу, учак саат беште учмак. Таксистке бул тууралуу айтканыбызда ал жогорку ылдамдыкта, бирок сөгүнүп айдап бара жатты. Аэропортко 4:45те жеттик, бизди рейске коё беришкен жок. Кийин билсем ал рейстеги учак кечигип учкан экен, башкача айтканда, каттоодо отурган кыздар бизге жардам бергиси келбептир. Ошентип кийинки рейс менен Киевге учуп келдик", - деген ал.

Автор: Кызжибек Раимова
Фото: Алия Шагиеванын өздүк баракчасынан алынды

10:47 25-10-2017

Жазылуу

Тектеш кабарлар:

Алмазбек Атамбаев Кыргыз-Казак чек арасында турган айдоочулардын тамактануусуна бир миллион сом бөлдү

Депутаттар Кыргыз-Казак кризисинде өлкөнүн ЕАЭБдеги өкүлдөрү үн катпай жатканын айтышты

Таласта митингге чыккан эл жалпы өлкө боюнча элдик курултай өткөрүү чечими менен тарады

Президент Сооронбай Жээнбеков вице-премьер Толкунбек Абдыгулов бүгүн Астанага бара турганын айтты

Активисттер Казакстандын президентинен Кыргыз-Казак чек арасын ачууну талап кылышууда

Акенеев: "Чек ара маселеси Сооронбай Жээнбеков президенттик ишине киришкенден кийин чечилиши мүмкүн"

Жогорку Кеңеш Казакстандын 100 миллион долларлык жардамынан баш тартууну колдоду

Нурсултан Назарбаев "2010-жылдагыдай окуя кайталанса чек араны дагы жаап коёбуз" деди

Казактын төкмө акыны Балгынбек Имашев Жеңишбек Жумакадырдын ырына жооп кайтарды

Ветеринардык коопсуздук боюнча инспекция: "Казакстан Кыргыздын сүт, эт азыктарын киргизүү боюнча расмий маалымат берген жок"

РУБРИКАДАГЫ СОҢКУ КАБАРЛАР

08:49 2025-05-01 | Супер-Инфо

Агата Муцениеце: «Жумуш жок, бомж болуп каламбы деп корком» 101 0

08:23 2025-05-01 | Коом жана турмуш

Министрлик "Диамеддин" үч гемодиализ борборунун лицензиясын токтотту 570 0

08:09 2025-05-01 | Супер-Инфо

Өмүрзак Кайыпов, Кыргыз Республикасынын Эмгек сиңирген артисти: «Жаакка бир чапкансып жаман болчумун» 118 0

23:51 2025-04-30 | Спорт

Кыргыз күрөшү боюнча өлкө биринчилиги өтөт 335 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1607 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1468 0

Архив

Комментарийлер (48)

Ayida

2017-10-25 12:49:51

Жонокой кыз экен.Болбосо бир званок менен отсо болот баласын да алып отсо болот куболук менен.Атасы жанында турганда куболук эле керек болот.Алмазбек Атамбаевдин созун эки кылбайт Казак тарап. Озунорчо эле Казакты душман кылып алдынарго.Мурда деле кыйналып отчуу эленерго унутуп калдынарбы?Товар ташыгандар которуп отчуу эленер

33SUUN

2017-10-25 13:35:11

Ayida,азыр бир звонок деген нерсенин кучу кетип калган.Сиз дагы эми мындан ары "Бир звонокту"колдонбой эле койсонуз болот эгер мурун колдонуп жургон болсонуз.

Tina01

2017-10-25 13:54:23

АШАнын фанаты эмесмин, бирок, баарыңар эле Атамбаев балп этти дейсиңер, качанга чейин оозубузду ачып, жогору карап сүйлөй албай өтүп кетебиз. Назарбаевдин кыргызды жерге урган сөзүнө караганда Атамбаев туура эле жооп берген.

Өзүбүздүн укугубузду коргой албасак, эмне кылып 26 жылдан бери "эгемендүү мамлекет" болуп жүрөбүз.

Ibanurkb

2017-10-25 14:38:08

Tina01,тупойдун баары чогулуп алыптырда
Бул жерге))))

-3

Mital.89

2017-10-25 14:22:00

Рас болуптур атан кунолу ушундай болушуна. Атана рахмат

-3

Ago

2017-10-25 14:35:42

Кыргызды шылдындаганы учун Назарбаевге Урматттуу КЫРГЫЗ элинин президенти жооп берди.Эмне жер карап отура бериш керекпи? Атамбаев кайра президент болом десе жок дегенде 80% эл колдойт.Бул жерде жазгандар кыргыз 'книне кумонум бар.Кыргыздын мекенчил президентини жамандагандар кетсин!!!!!!

Ibanurkb

2017-10-25 14:43:57

Ago,туптуура

Ibanurkb

2017-10-25 14:38:54

Атамбаев молодец эмне болсо дагы !туураны
Туура деп айтыш керек да силерге окшоп
Жагалданбай ))))

Orozaly737373

2017-10-25 15:02:38

Атана айт даа

Bek_Kazan

2017-10-25 15:33:13

Атаңа рахмат айт 2 саат күткөнүңө

bond02

2017-10-25 15:34:23

Кутсон эл катары кутупсун да, эмне асмандан тушком деп журдун беле озунду!

Aitun

2017-10-25 18:09:34

Атан оозун тыйбайбы анан... сен 2саат ошентсен башкалар суткалап турат унчукбай эле

-2

bakulya2015

2017-10-25 21:19:41

Негизи кыйын болуптуп. Бирок бул айым эки саат кутсо. Мекендештерибиз анданда кооп кутуп жатат. Баарына сабыр жана ак жол каалаймын. Атакениздин казак эли жана алардын мыйзамы учун канчалык орду кадыр баркы бар экенин билип келипсизда. Буйруса Озбекстан Россияга учсаныз ал жактарда да коооп кутуудо турсаныз керек. Бирок сизге да сабыр ак жол каалаймын эл катары.

-1

magbet

2017-10-25 21:52:34

Кызык. 2 саат турдум дейби. Биз ошол жерде турган кезде мигалка менен гос номер менен машиналар келип встречка менен отуп кетишет ко. Без очередь. Ошондо бул кыз кичинекей баласы менен озунун машинасында барганбы. Эч ким бул кыздын ким экенин билген эмеспи. Эки саат туруп эч кимди ортого салып отуп кетууго аракет кылбаганбы. Демек бул атасынын атын колдонуп без очередь отпой кадимки жарандардай омур суроорун айткысы келген да.

talaa11

2017-10-25 22:03:23

Атана айт элге жар салбай

-1

solntse95

2017-10-26 00:27:04

Атана чалбапсын да чек арада туруп алып.

-1

Tasma2014

2017-10-26 07:38:14

Атамбаевдин айткан созуно кошулам,биз деген эгемен эркин олкобуз коншу мамлекеттерден жерибиз чакан калкыбыз аз болгону менен намысы бар элбиз,чындык созго чычалап чек араны жаап карапайым элди кыйноо бул да Казак бийлигинин алзыздыгын бир иреет тастыктап койду Бектер кетет эл калат бетеге кетет бел калат дегендей эзелтен эле канчалаган Хан Бектер кырылышып чабышып келишти бирок акыры аягы карапайым эл эч качан бирин бири кечип кеткен эмес коншу жашап бири бирине арка бел болуп келет

danko

2017-10-29 13:45:19

Кыргыз элибиз ушунчалык негативдүү ойлонуп калганбызбы? Атасынын ишине кызы кантип жооп берсин, кызык экенсиңер. Же бул кыз саясатка аралашып, же бирөөнүн бизнесин тартып алдыбы, Айдар, Бермет, Максимдерге окшоп? Жөнөкөйлүгү үчүн болгон окуяны өз баракчасына жазды да, коомчулукка жеткирейин деп. Атасынын эрке кызы болсо байланыштарын колдонуп эле өтүп кетмек, эч жерде турбай, ошол жерде турган эл деле билбей калмак ким өткөнүн. Атасынын туура-туура эмес жоруктары үчүн КЫЗ БАЛАНЫ жериген болбойт.

Комментарий калтыруу үчүн өз ысымыңыз менен кириңиз же каттоодон өтүңүз.