Нарындагы памирлик кыргыздарга үй буюмдарын, кийим-кече сатып алууга өкмөттөн 948 миң сом каражат бөлүндү

Нарын облусуна алынып келген памирлик кыргыздар үй буюмдары жана кийим-кече менен камсыздалат. Бул тууралуу маалыматты өкмөттүн Нарын облусундагы ыйгарым укуктуу өкүлчүлүгүнүн маалымат кызматы тастыктады.

Маалыматта айтылгандай, үй-тиричилик буюмдарын, кийим-кече жана дары каражаттарын сатып алууга тендер жарыяланган.

"Памирлик кыргыздарга кийим, бут кийим, төшөк-шейшеп, турмуш тиричилик эмеректери, идиш-аяк жана Кыргыз өлкөсүнүн жер шартына көнүү учурунда керектелүүчү дары каражаттары, 6 телевизор сатып алынат", - деп айтылат маалыматта.

Бул үчүн өкмөт тарабынан 948 миң сом каражат бөлүнгөн.

Эске салсак, ушул жылдын 12-октябрь күнү Чоң жана Кичи Памирден 33 адамдан турган 6 үй-бүлө Кыргыз өлкөсүнө алынып келген. Алар Нарын облусундагы Куланак айылына жайгаштырылып, №86-кесиптик лицейдин имаратында билим алууда.

"19-ноябрда дагы 11 памирлик кыргыз Нарын облусуна келди. Алар мындагы туугандары менен көрүшүү үчүн келишкен. Адегенде ооруканадан текшерүүдөн өтүп, Нарындын жер шартына көнүү учурундагы тиешелүү медициналык жардамдар берилгенден кийин 33 памирликтер жайгаштырылган жатаканага жайгаштырылды", - деди өкмөттүн Нарындагы өкүлчүлүгүнүн маалымат катчысы.

Автор: Кызжибек Раимова
Фото: Өкмөттүн Нарын облустук өкүлчүлүгүнөн

13:30 27-11-2017

Жазылуу

РУБРИКАДАГЫ СОҢКУ КАБАРЛАР

15:23 2025-07-13 | Коом жана турмуш

ӨКМ: Көл-Төр көлүнүн жолунда жайгашкан айыл элинин тынчсыздануусуна негиз жок 186 0

15:03 2025-07-13 | Саясат

Оштун мэри нөшөрлүү жаанда шаарды каптаган суунун себебин айтты (видео) 558 0

14:43 2025-07-13 | Кылмыштар, кырсыктар

Ошто Увам каналына агып кеткен жигитти издөө иши уланууда (видео) 430 0

13:45 2025-07-13 | Саясат

"Атамдынбы же энебиздин заманыбы, алдырыңыз". Оштун мэри каналдардын корук аймагын текшерүүдө 1057 0

12:58 2025-07-13 | Кылмыштар, кырсыктар

Бишкекте социалдык тармак аркылуу казак аялдарына асылган жаран кармалды (видео) 1017 0

12:43 2025-07-13 | Саясат

Аламүдүндүн акими районду текшерүү үчүн велосипед менен чыкты (видео) 777 0

Архив

Комментарийлер (8)

portugalia

2017-11-27 14:07:23

Бейишке эле келгендей болушса керек.Кыргыз жерим эн бир керемет жерлерден да озу.

Isco23

2017-11-27 14:07:44

52000ди жееп койдунарбы?бир жолу тоголок эле кылбайсынарбы

Musabaeva.

2017-11-27 14:09:40

эми кетебиз деп чыкпай калышса экен

Batma08

2017-11-27 14:17:06

Ушул акчага дагы калганын алып келсек жакшы болот эле алардыда кыйнабастан

Dalil

2017-11-27 15:26:33

Batma08, туура айтасын келгендерин жумуш менен камсыз кылып өз жанын бага ала тургандай шарт түзүп берип ошо акчага калган памирлик кыргыздардан көчүрүп келсе жакшы болмок

Fotosintez

2017-11-27 16:09:49

Буларга дыйканчылыкты уйротуп коюш керек анан 1-2 жылда оздорун багып кете алат деп ойлойм

Too-tash

2017-11-27 17:35:37

Бул акчанын жарымы сол чонтокторго кетет.. 6 телевизорду 300 минге алышса тан калбаймын....

-1

Sharipa-asia

2017-11-28 00:55:49

азаматсыңар!

Комментарий калтыруу үчүн өз ысымыңыз менен кириңиз же каттоодон өтүңүз.