Ошто таштанды челектен башы жок табылган аялдын өлүмүнө шектүүлөрдү тергөө абагында кармоо 27-декабрга чейин узартылды

Ошто "кайненесинин башын кесип, денесин таштанды челекке ыргытып салган" деп шектелген келин жана анын эжесин тергөө абагында кармоо 27-декабрга чейин узартылды. Бул тууралуу бүгүн, 29-ноябрда Ош ШИИБинин басма сөз кызматынан билдиришти.

Алардын айтуусуна караганда, шектүүлөр соттун чечими менен 27-декабрга чейин камакта калтырылган жана аталган ишти иликтөөнүн мөөнөтү да ошол убакытка чейин узартылган.

"Бул иш боюнча Бишкек шаарынан гистологиялык экспертизанын жыйынтыгы келиши керек эле. Ал дале келе электигине байланыштуу тергөөчүлөрдүн өтүнүчү менен шектүүнүн баш коргоо чарасы жана ишти иликтөө мөөнөтү сот тарабынан узартылды. Буга чейин белгилүү болгондой, маркумдун башын шектүүлөр кесип, өзүнчө ыргытып жиберишкен. Учурда аны издөө иштери уланууда, бирок жыйынтык бере элек. Учурда шектүүлөр Жалал-Абад облусундагы аялдар камагында камакта", - деп билдирди басма сөз кызматынан.

Эскерте кетсек, ушул жылдын 27-август күнү эртең менен Ош шаарынын Курманжан датка кичи районундагы таштанды таштоочу урнадан башы кесилген белгисиз аялдын жансыз денеси табылган.

Ош ШИИБинин берген маалыматына таянсак, маркумдун аты-жөнү такталып, анын А.Жумагүл аттуу аял экендиги аныкталган. Маркумдун өлүмүнө шектүү катары эже-сиңди кармалган. Алардын бири каза болгон аялдын келини болгон. Шектүүлөр ошол күнкү окуянын чоо-жайын айтып беришкен.

Кошумчалай кетсек, шаардык милициядан билдиришкендей, шектүүлөр "маркумдун башын ушул жерге таштаганбыз" деп көрсөтмө берген жерден анын башы табылган жок. Ал эми маркум 31-август күнү өзү төрөлгөн Кашка-Суу айылында башы жок жерге берилген.

Автор: Кенжебай Сатканалиев

16:45 29-11-2017

Жазылуу

РУБРИКАДАГЫ СОҢКУ КАБАРЛАР

23:56 2025-06-20 | Түркүн дүйнө

Иран-Израил жаңжалы: Владимир Путин кимди колдойт? 1093 0

23:01 2025-06-20 | Түркүн дүйнө

Telegram'дын негиздөөчүсү Павел Дуров байлыгын 100дөн ашык баласына бөлүштүрөт 982 0

22:09 2025-06-20 | Коом жана турмуш

Саламаттык сактоо министри энергетикалык суусундуктарга тыюу салууга каршы. Себеби 1328 0

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 1028 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 1196 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 2496 0

Архив

Комментарийлер (7)

gute

2017-11-29 17:05:20

Омур бою эркинен ажыраткыла экоону тен

PeRa

2017-11-29 17:31:35

gute,аялдарга андай жаза жок,эн коп 20 - 25 жыл.

gute

2017-11-29 18:30:02

PeRa, 20-25 жыл болсо деле эсептей бер омурунун аягына чейин болуп калат

Gulizat.B

2017-11-29 17:30:38

Башы табылбай жаман бoлуптур да

BakytAliev

2017-11-29 18:31:24

Биздин университеттин алды го

karakulja

2017-11-29 19:06:13

Суукта кыйнабай уй камагына чыгарып койбоптур да

-5

Luna15

2017-11-29 19:12:33

karakulja,кыйналмактан олбойбу,адамдын башын кесип алыш деген бул тушко кирбеген окуяда,кумурсканын башы эмесда ал адамдын еще кайнэнеси экен кудай сактасын мындай адамдардан коркуш керек

Комментарий калтыруу үчүн өз ысымыңыз менен кириңиз же каттоодон өтүңүз.