Депутат Кенжебек Бокоев: "НТС телеканалынын тегерегинде болуп жаткан окуялар саясий заказды аткаруу, рейдерлик аракеттер"

Райондор аралык соттун чечими.

"НТС телеканалынын тегерегинде болуп жаткан окуялар саясий заказды аткаруу, рейдерлик аракеттер". Бул тууралуу бүгүн, 19-декабрда Жогорку Кеңештин депутаты Кенжебек Бокоев НТС телеканалынын маалымат жыйынында билдирди.

"Сот аткаруучуларынын мындай ыкчам иштөөсү сот реформаларынын оңолуп, мыйзамды аткаруу жүрүп жатканын билдирбейт. Мен айтат элем алар кадимки эле саясий заказды чуркап аткарып жатышат. Бул сөз эркиндигин кысып, калыптанып калган телеканалды жабуу аракети болуп жатат", - деди депутат.

Эскерте кетсек, бүгүн, 19-декабрь күнү саат 17:00 чамасында сот аткаруучулар НТС телеканалынын имаратына милиция кызматкерлеринин коштоосунда кирип барышкан. Сот аткаруучулар каналдын мүлктөрүн камакка алуу боюнча Бишкек шаарынын райондор аралык сотунун чечимин көрсөтүшкөн.

Айта кетсек, НТС телеканалы депутат Өмүрбек Бабановго таандык делет. Ушул жылдын 4-ноябрь күнү Жогорку Кеңештеги "Республика-Ата Журт" фракциясынын лидери Өмүрбек Бабановго карата "улуттар аралык кастыкты козутуу" жана "Конституциялык түзүлүштү күчкө салып өзгөртүүгө эл алдында чакырык жасоо" беренелеринин негизинде кылмыш иши козголгон. Тергөө иштерин жүргүзүү УКМКга жүктөлгөн.

2017-жылдын октябрь айындагы президенттик шайлоодон кийин Өмүрбек Бабанов өлкөдөн чыгып кеткен боюнча кайтып келе элек. Айрым маалыматтарга караганда, анын Орусияда дарыланып жатканы айтылат.

Автор: Кенжебай Сатканалиев

20:58 19-12-2017

Жазылуу

РУБРИКАДАГЫ СОҢКУ КАБАРЛАР

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы таурак-жайлуу болушту (сүрөттөр) 14 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 295 0

16:53 2025-07-13 | Түркүн дүйнө

Парижде жаңы мамлекетти түзүү жөнүндө келишимге кол коюлду 414 0

16:17 2025-07-13 | Түркүн дүйнө

Испанияда мигранттар менен жергиликтүүлөрдүн массалык мушташы катталды (видео) 543 0

15:23 2025-07-13 | Коом жана турмуш

ӨКМ: Көл-Төр көлүнүн жолунда жайгашкан айыл элинин тынчсыздануусуна негиз жок 416 0

15:03 2025-07-13 | Саясат

Оштун мэри нөшөрлүү жаанда шаарды каптаган суунун себебин айтты (видео) 1241 0

Архив

Комментарийлер (3)

bakyt78

2017-12-19 21:17:28

Туура эле кылат, НТС каналын жабып эле салыш керек, убагында бийликке жагынайын деп "ар-тарап" телеберуусун алыпбаруучу Эрнис Кыязовду иштен алып салды. Кошоматчы телеканал, эч качан акыйкатты суйлогон эмес.

-2

aza84

2017-12-19 21:22:08

Бул заказной экени корунуп турат ак ийилет бирок сынбайт

taalay25

2017-12-20 11:15:58

Соз эркиндигине Басым деп туура эмес айтып алыпсынар. Соз эркиндигине басым болгондой НТС оппозициялык деле телеканал эмес. Нейтралдуулукту сактап келет. Андан корр БАБАНОВГО АШАДАН БАСЫМ десенер туура болчуудай!

Комментарий калтыруу үчүн өз ысымыңыз менен кириңиз же каттоодон өтүңүз.