Депутат Алтынай Өмүрбекова: "НТС телеканалы боюнча маселе Жогорку Кеңеште көтөрүлөт"

НТС телеканалына карата жасалып жаткан басымдар тууралуу маселе Жогору Кеңеште көтөрүлөт. Бул тууралуу бүгүн, 19-декабрда Жогорку Кеңештин депутаты Алтынай Өмүрбекова НТС телеканалындагы маалымат жыйында билдирди.

Ал бул кадамдар ачык эле саясий буюртманы аткаруу экенин, бул маселени Жогорку Кеңеште көтөрө турганын айтты. Андан сырткары ал НТС телеканалына келген сот чечиминде аты аталган компания Максим Бакиевге таандык экени тууралуу маалыматтар интернетте көп экенин, мындай шектүү компаниянын доосун сот аткаруучулар бүгүнкүдөй тездикте аткарып жатканы таң калтырарын айтты.

Эскерте кетсек, бүгүн, 19-декабрь күнү саат 17:00 чамасында сот аткаруучулар НТС телеканалынын имаратына милиция кызматкерлеринин коштоосунда кирип барышкан. Сот аткаруучулар каналдын мүлктөрүн камакка алуу боюнча Бишкек шаарынын райондор аралык сотунун чечимин көрсөтүшкөн.

Айта кетсек, НТС телеканалы депутат Өмүрбек Бабановго таандык делет. Ушул жылдын 4-ноябрь күнү Жогорку Кеңештеги "Республика-Ата Журт" фракциясынын лидери Өмүрбек Бабановго карата "улуттар аралык кастыкты козутуу" жана "Конституциялык түзүлүштү күчкө салып өзгөртүүгө эл алдында чакырык жасоо" беренелеринин негизинде кылмыш иши козголгон. Тергөө иштерин жүргүзүү УКМКга жүктөлгөн.

2017-жылдын октябрь айындагы президенттик шайлоодон кийин Өмүрбек Бабанов өлкөдөн чыгып кеткен боюнча кайтып келе элек. Айрым маалыматтарга караганда, анын Орусияда дарыланып жатканы айтылат.

Автор: Кенжебай Сатканалиев

21:11 19-12-2017

Жазылуу

РУБРИКАДАГЫ СОҢКУ КАБАРЛАР

20:34 2025-07-12 | Саясат

Шыкмаматов Балыкчыдагы текшерүү боюнча маалыматты жеткиргендерди жазалады (видео) 2212 0

19:22 2025-07-12 | Түркүн дүйнө

Ташкентте көзөмөлсүз калган эки бала бассейнге чөгүп каза болду 1131 0

17:51 2025-07-12 | Коом жана турмуш

“Камалып калгандар болот”. Бишкекте толук бүтпөгөн үйдүн жашоочулары лифттин иштөөсүнө нааразы 1388 0

17:33 2025-07-12 | Кылмыштар, кырсыктар

Бишкекте жол тандабас катуу ылдамдыкта келип дубалды сүзүп токтоду (видео) 1817 0

17:23 2025-07-12 | Кылмыштар, кырсыктар

Токмокто өспүрүмдөр массалык мушташты (видео) 1381 0

16:24 2025-07-12 | Коом жана турмуш

УКМК жөнүндө кино тартылып жатат (видео) 1579 0

Архив

Комментарийлер (4)

Alixan-Nookat.2015

2017-12-19 21:15:34

Парламенттке алып чыксанызда ал жактагылар эч нерсе чечпейт, бул көйгөйдү ак үйдөгү бир киши чечет же экс президент чечет.

Jibek94

2017-12-19 21:40:23

Ушул бийлик тойгуздуго озу

tular

2017-12-19 21:43:36

Соз жок

-1

JaneEr

2017-12-19 23:28:29

Каап карапайым адамдарга эле зыян ортодо.Жабылса НТСтегилер жумушсуз калса Соке багабыкен баарын?Чонтогунон бир тыйын кетпегенден кийин,Бабанов айлык берип жатса кочугун кыспайбы.

Комментарий калтыруу үчүн өз ысымыңыз менен кириңиз же каттоодон өтүңүз.