БШК сот өкүмү чыккан Алмамбет Шыкмаматов депутаттык мандатынан кайсы учурда ажыратыла тургандыгын айтты

Борбордук шайлоо комиссиясынын мүчөсү Кайрат Осмоналиев сот өкүмү чыккан "Ата Мекен" парламенттик фракциясынын лидери Алмамбет Шыкмаматовду депутаттык мандатынан ажыратуунун жол жобосун айтып берди.

"Учурда райондук соттун өкүмү чыкты. Алар жогорку инстанцияга кайрылбаса чечим он күндүн ичинде күчүнө кирмек. Бирок Шыкмаматов шаардык сотко кайрылды. Шаардык соттун чечими дароо күчүнө кирет. Эгер сот райондук соттун чечимин күчүндө калтырса Шыкмаматовдун мандатынан ажыратууга негиз болот. Андан кийин Баш мыйзамга жана депутаттык статус боюнча мыйзамга ылайык, БШК 30 күндүн ичинде мандатынан ажыратууну карайбыз", - деди Осмоналиев.

"Шыкмаматовдун Жогорку Сотко да кайрылууга укугу бар. Жогорку Сот күчүнө кирген чечимди эле көзөмөл иретинде карайт. Бул бир аз убакытты созушу мүмкүн. Эгер сот чечимдери Текебаевдин ишин карагандай туруктуу болсо, эң көп дегенде эки ай убакытта баары чечилиши керек", - деп кошумчалады Осмоналиев.

Белгилей кетсек, 19-декабрда Биринчи Май райондук соту депутат Алмамбет Шыкмаматовду күнөөлүү деп таап беш миллион сом айып салган. Шыкмаматов жеке кызыкчылыгын көздөп, аялынын Мерседес Бенц Е320 үлгүсүндөгү унаасын кымбат баага сатуу үчүн "Барат Люкс" ишканасын тендерге катышкандардын катарына кошууну демилгелеген деп айыпталган.

Автор: Мунарбек Жоргомов

19:58 22-12-2017

Жазылуу

РУБРИКАДАГЫ СОҢКУ КАБАРЛАР

20:34 2025-07-12 | Саясат

Шыкмаматов Балыкчыдагы текшерүү боюнча маалыматты жеткиргендерди жазалады (видео) 1617 0

19:22 2025-07-12 | Түркүн дүйнө

Ташкентте көзөмөлсүз калган эки бала бассейнге чөгүп каза болду 883 0

17:51 2025-07-12 | Коом жана турмуш

“Камалып калгандар болот”. Бишкекте толук бүтпөгөн үйдүн жашоочулары лифттин иштөөсүнө нааразы 1197 0

17:33 2025-07-12 | Кылмыштар, кырсыктар

Бишкекте жол тандабас катуу ылдамдыкта келип дубалды сүзүп токтоду (видео) 1589 0

17:23 2025-07-12 | Кылмыштар, кырсыктар

Токмокто өспүрүмдөр массалык мушташты (видео) 1172 0

16:24 2025-07-12 | Коом жана турмуш

УКМК жөнүндө кино тартылып жатат (видео) 1397 0

Архив

Комментарийлер (3)

muslim87

2017-12-22 20:20:43

Сөздүн кыскасы Ата мекенчилерди саясаттан биротоло жок кылышат экен да. Этият болгула Ата мекенден өзүңөр куулуп кетпегиле экс президенттердей жана алардын командаларындай.

barsbegKG

2017-12-23 02:15:49

Текебаевдин ката кетирген жери 2010-жылы Бүтүн Кыргызстанды шайлоодо жеңип турган жеринен парламентке киргизбей койгондугу . Мадумаров Жогорку Кеңеште болгондо бүгүнкү күндөгү окуялар башкача болмок МЫНА текебаевдин артынан Шыкмаматов... дагы ким???

Nurkyz1977

2017-12-23 09:04:51

Кайтар дуйно бир куну кайтып келет.

Комментарий калтыруу үчүн өз ысымыңыз менен кириңиз же каттоодон өтүңүз.