Бишкекте өткөн көргөзмөдө итине калпак кийгизип чыккан кыз интернетте кызуу талкууланууда

Бишкекте итине калпак кийгизип иттердин көргөзмөсүнө катышкан кыз интернетте кызуу талкууланууда. Жаңы жыл майрамына карата уюштурулган иттердин көргөзмөсү 22-декабрда өткөн. SUPER.KG порталы иш-чаранын уюштуруучулары менен байланышып, окуянын чоо-жайына кызыгып көрдү.

"Иттердин жаңы жылдык көргөзмөсүнө 20га жакын ит алынып келди. Ар бир катышуучу өзү жакшы көргөн итине каалаган костюмдарды кийгизишкен. Ал эми калпак кийгизген ит боюнча айтсак, биз иш-чараны жакшы ой менен уюштурганбыз. Сынак өтүп жатканда кыргыз кийимин кийген орус кыз итине улуттук кийим, калпак кийгизди. "Кара-жорго" бийине бийледи, жакшы ой менен чыккан болчу. Интернетте талкуулап жаткандар муну өздөрүнө көңүл бурдуруу үчүн эле жасап жаткан амал деп эсептейм. Туура түшүнүү керек, бул маданияттын өсүшү, итти кыргыздар дайыма эле жакшы көргөн, сыйлаган, ал тургай баатыр Манастын дайыма ити менен жүргөнү айтылат. Ар ким өзүнүн деңгээлине жараша түшүнөт. Көргөзмө келе жаткан ит жылына арналган. Ошондуктан бул кыздын дарегине жаман сөз айтууну токтотууңуздарды суранабыз. Кечирим сурайбыз", - деди көргөзмөнү уюштуруучулардын бири Батма Казакбаева.

Ал эми интернет колдонуучулары итке улуттук баш кийимди кийгизүү улуттук баалуулуктарды басмырлоого барабар экенин айтып нааразы болууда.

Автор: Мунарбек Жоргомов

23:27 23-12-2017

Жазылуу

РУБРИКАДАГЫ СОҢКУ КАБАРЛАР

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1384 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 1020 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 1025 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 619 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 562 0

15:34 2025-06-29 | Саясат

Садыр Жапаров Орусиянын тышкы иштер министри Сергей Лавровду кабыл алды 972 0

Архив

Комментарийлер (60)

Eli.91

2017-12-24 08:28:21

Улуттук баш кийим деген албетте оз орду менен сакталуусу керек,баш кийимибизди сыйлабаган бул мекенибизди сыйлабаганы менен барабар,ошондой экен бул кызга тиешелуу чаралар корулуусу керек.

Nevestkaa

2017-12-24 08:49:22

Кыргыз жеринде жашап туруп Кыргыздарды сыйлабаганы тебелегени да.ХХХХХ өзүң кийип калпакты ,итиңе өзүңүн улуттук баш кийимиңи кийгизбейт белең ошондо туура болмок.ХХХХ

Medina87

2017-12-24 09:42:56

"Ит - жети казынанын бири"-деп итти кандай асыраганды КЫРГЫЗ эли жакшы билет!!! М: Короочу ит, анга чыгуучу ит ж.б. денгээлдерине жараша кам корушот!!
"Орус оюндагысын "- деп бекер айтылбаган экен!!!
Ааламга АК КАЛПАКтуу КЫРГЫЗ ЭЛИ деп белгилуубуз!!!!
Итине башка кийимди кийгизсе да биздин АК КАЛПАКТЫ кийгизгени биздин Улуу КЫРГЫЗ Журтун сыйлабаганы!!!
Коргозмону уюштуруучу Батма Казакбаева намысын КАЙДА?????

Dalil

2017-12-24 09:52:23

Баарынан да өзүн маданияттуу сезген ушундай уюштуруучуларга миң наалат. Өткөндө кыздарыбызды жылаңачтап чыкты эле эми бул. Эхх кыргыз кайда бара жатабыз деп ушундайларды айтыш керек.

portugalia

2017-12-24 10:50:52

Эркектердин баш кийимин итке тарттырып жатасызбы ошондо?

evra_kg

2017-12-24 11:30:15

Мен каршы эмесмин

-5

Batma.Sh

2017-12-24 11:35:45

Улуттук баш кийимибизди баш оту менен киришип,коргош керек болуп калды маданий иш чараларады тескеген бийлик төбөлдөрү.Олтуруп алып айлык айлып,концерт көрүп олтурбай.Ансыз деле калпакты баняга кийишгенин көргөндө кыжырың келет.

tynchtyk93

2017-12-24 11:44:24

Кантип эми сыйлуу Адамга калпак кийгизесин муну ит деле кийип жатбайбы дебейби уюштуручу соо эмес

Parish

2017-12-24 11:52:58

Ким уюуштурган болсо жоопко татылышы керек.

-Killer-

2017-12-24 12:11:09

кой деген киши болбодубу

jypara1415

2017-12-24 15:23:34

Терен мааниси , кыргызды итке тенегендик ! Жоопко тартылсын, эскертуу берип , жазаласын . Анан да ушул коргозмонун канчалык зарылдыгы бар , башка пайдалуураак иш-чара откорсо болбойбу ? !

munar1980

2017-12-24 15:51:49

ХХХХ экен ошол кыз уюштуруучу эси ооп кайда караган алдын ала билген да итке калпак кийгизеерин бирок башы жеткен эмес Баш кийим ыйык экенине

Rifle_I

2017-12-24 17:31:38

Ошол жерде көргөн кыргыздар унчукпай отруганы таң калыштуу.

gulmira96

2017-12-24 18:04:45

Кээ бир адамдар иттин денгээлинен томон тушуп эмне деген ыплас иштерди жасап атышат кенедей наристелерди сабап олтуруп, зордуктап. Аларга салыштырмалуу ит эч качан чыккынчылык кылбайт. Ошол учун ызы чуу салып кереги жок.

-3

Samat777

2017-12-25 14:39:13

Бир карын майды бир кумалак чиритет болуп кыргыз элинин кылым жашап келген баалуулуктары тебеленмей болду. Жоопко тартылсын, итин атты деп иш жоопко тартасынар, эмне ак калпагыбыз итчелик кадыр баркка ээ болбой калыптырбы!? Манас итти ээрчитип жүргөн, калпак кийгизген эмес!!Кечирим сурагандын ордуна ар кайсыны дөөрүптүр

Комментарий калтыруу үчүн өз ысымыңыз менен кириңиз же каттоодон өтүңүз.