ИИМ: "Ур-токмокко алынган этникалык кыргыздар тартылган видео 2016-жылы болгон окуя"

Интернетке тараган этникалык кыргыздардын балдарынын жергиликтүүлөр тарабынан токмокко алынышы боюнча окуя 2016-жылдын февраль айында болгон. Мындай маалыматты Ички иштер министрлигинин басма сөз кызматынын өкүлү Эрнис Осмонбаев SUPER.KG'ге билдирди.

"Окуя мындан 2 жыл мурун, тактап айтканда, 2016-жылдын февраль айларында болгон. Чүй облусуна караштуу Панфилов районунун тургуну, этникалык кыргыз делген балдардын атасы бул иш боюнча ошол жылы эле укук коргоо органдарына арыз жазган. Видеодогу балдардын токмогунда калган 2 бала арыз берүүчүнүн баласы жана жээни болгон. Бул боюнча укук коргоо органдары иш алып барып, арыздын негизинде тиешелүү чараларды көрүшкөн. Бирок ошол жылдын апрель айында арыз берүүчү өз арызын алып, ич ара кечиришип алганын айтып, ишти жаап коюуну сураган. Бул иштин үстүнөн көзөмөлгө алуу үчүн ИИМдин Коомдук коопсуздук башкармалыгынын кызматкерлерине тапшырма берилген", - деп билдирди Осмонбаев.

Ошондой эле бул маселе жергиликтүү өзүн-өзү башкаруу структурасынын деңгээлинде чечилгенин кошумчалады ал.

Эскерте кетсек, бул видео интернет айдыңына тарагандан кийин коомчулукта кызуу талкуу жараткан. Токмокко алынып жаткан балдар 1999-жылкы балдар болгон. Эрнис Осмонбаев кошумчалагандай, окуя болгон күнү балдар футбол ойношуп, ошол жерден чырдаша кетишкен. Натыйжада интернетке тараган мушташ орун алган. Учурунда бул балдар мектеп окуучулары болушкан.

15:49 26-12-2017

Автор: Гүлжан Асанкожоева

Жазылуу

РУБРИКАДАГЫ СОҢКУ КАБАРЛАР

19:37 2024-05-13 | Кылмыштар, кырсыктар

Ошто "Йакын инкар" диний-экстремисттик агымынын мүчөлөрү текшерүүгө алынды (видео) 79 0

18:49 2024-05-13 | Түркүн дүйнө

Израил Газанын түндүгүнө кайрадан аскерлерин киргизди 333 0

18:40 2024-05-13 | Түркүн дүйнө

Куандык Бишимбаевге сот өкүм чыгарды 890 0

18:02 2024-05-13 | Коом жана турмуш

Ысык-Көлдө "Asia Palace" пансионатындагы пирстин үстүндөгү мончо буздурулууда 275 0

17:48 2024-05-13 | Саясат

Садыр Жапаров акыйкатчы Жамиля Жаманбаеваны кабыл алды 274 0

17:46 2024-05-13 | Саясат

Тышкы иштер министринин орун басары Малайзиянын элчисин кабыл алды 194 0

Архив

Комментарийлер (8)

asi.gulum

2017-12-26 15:59:18

Февраль)))))
Жаздай болуп турат го артында.

kabylan.dili

2017-12-26 16:24:28

Видеосун кайдан корсо болот

asi.gulum

2017-12-26 19:51:33

kabylan.dili,инстаграм

Arstan

2017-12-26 16:48:58

Февралда фудболкачан жүрүшөбү элдер? Зима не будетпи же...)))

Too-tash

2017-12-26 16:58:29

Ойлодум эле, ошол Телебайларга чара корулбоду деп...

Ойлогондой эле чара корушпоптур милиция!!! Мындай милиция, сотторду баккыча таратып жиберген жакшы, жоюп салуу керек!!!!!!

maks94.kb

2017-12-26 19:09:47

Кычыраган кышта февраль айында жеңил кийинип жүргөнү жакшы экен

aerforce

2017-12-26 20:41:31

эки жыл мурун жаз эрте келген 23чу февральда Таш комурдо орук гулдогон эсинерде болсо а Бишкекте 8 мартта гулдоп калган орук

-1

ZANIA-92

2017-12-28 03:19:56

Мммда. Панфиловкада мындай окуя бат баттан кайталанып турат. Этникалык кыргыздарды тажиксинер деп болоберишет мектеп окуучулар арасында

Комментарий калтыруу үчүн өз ысымыңыз менен кириңиз же каттоодон өтүңүз.