Темир Жумакадыровдун жубайы жол кырсыгына күнөөлүүлөрдүн жазасын күчөтүү боюнча кайрылуу жасады

Жол кыргысыгынан каза болгон вице-премьер-министр Темир Жумакадыровдун жубайы Нора Сүйүналиева кайрылуу жасады. Бул тууралуу кайрылуу бүгүн, 30-декабрда социалдык түйүндөр аркылуу таратылды.

“Коопсуздук Кеңештин өлкөдөгү жол кыймылынын коопсуздугун камсыздоо боюнча чечимин ишке ашырууга менин жолдошум, досум, сүйүүм Темир Жумакадыров жооптуу эле, бирок өзү жол кырсыгынан каза болуп калды. Бул жол кырсыгынан Темир, Нурлан, Нурбек каза болуп, үч адамдын өлүмүнөн беш бала жетим калды. Балдардын "атам кайда, эмнеден каза болду эле", "атам менин майрамдык иш-чарамды көрбөй калганы кандай өкүнүчтүү", "атам жаныңда болом деп сөз бербеди беле" деген суроолорго жооп берүү коркунучтуу болуп калды. Жолдошум бараткан унаа менен сүзүшкөн жүк ташуучу унаанын айдоочусуна козголгон кылмыш иши тергелип бүтүп, сотко өттү. Ал он жыл жатак абакта отуруп же беш жылдан кийин мөөнөтүнөн мурда эркиндикке чыгып, кайрадан өлкөнүн жолдорунда автоунаа айдоого укук алат. Мындай жол менен биз кайрадан өз жоопкерчилигин сезбеген айдоочуга ээ болобуз”, - деди ал.

Нора Сүйүналиева жол кырсыгына күнөөлүүлөрдүн жазасын күчөтүүнү сунуштап, абактан чыккандан кийин да өмүр бою автоунаа айдоого тыюу салуу керектигин айтты. Ошондой эле ал бул боюнча мыйзамга өзгөртүү киргизүүнү сунуштады.

Эске салсак, Темир Жумакадыров 7-октябрда жол кырсыгына кабылып каза болгон.

Автор: Жылдыз Джускембаева
Фото: Илим Карыпбековдун фейсбуктагы баракчасынан алынды

16:16 30-12-2017

Жазылуу

РУБРИКАДАГЫ СОҢКУ КАБАРЛАР

00:40 2025-07-11 | Саясат

Садыр Жапаров оңдоп-түзөөдөн өткөн Айтматов проспектисине барды (видео) 233 0

23:58 2025-07-10 | Саясат

"Эшиктен да, тешиктен да чыгып..." Оштун мэринин видеосу талкуу жаратты 993 0

23:55 2025-07-10 | Саясат

Ташиев соттордун айлыгы жакында жарым миллион сомго жакындай тургандыгын айтты (видео) 351 0

23:50 2025-07-10 | Саясат

Бишкекте ипотекалык багыттагы 225 батирдин ачкычы тапшырылды 302 0

23:41 2025-07-10 | Саясат

Садыр Жапаров турак жайга муктаж болгондорду 5 жылда толук камсыздоо планын айтты 238 0

23:29 2025-07-10 | Саясат

Өлкөдөгү айылдарга да ипотекалык үйлөр курулат 432 0

Архив

Комментарийлер (7)

barakcha

2017-12-30 16:47:33

Сенин жолдошун жол кырсыгынан каза болбогондо минтип суйлобойт элен...Мындай сунушунду илгери эле айтып чыкпайт белен?

-5

Asel1Aikol

2017-12-30 17:38:54

barakcha,сөздү да абайлап суйлосонуз болмок...ар бир инсан башына келгенде гана аттин кылат экенбиз! !!

Kojo1995

2017-12-31 04:38:32

Арам акчага көпкөнда

barakcha

2017-12-31 09:47:23

Asel1Aikol,мыйзамга озгортуу киргизууну сунуштады дейт.А эмнеге буга чейин канчалаган карапайым калкыбыз жол кырсыгынан каза болду,ошондо мыйзамга озгоруу киргизгиле деп сунуштаган жок!Же,соссуз эле оз башына келгенде суйлош керек беле?

Shekeev969798

2017-12-30 17:42:05

Озу Каршы тилкеге чыгып бей куноо камаздын айдоочусун 10 кесилип кетти адилеттик кайда Министрби карапайымбы мыйзам бирдей иштесин!

+16

modem4999

2017-12-31 02:19:02

Shekeev969798,чыкканын карап турдун беле?

-1

Kojo1995

2017-12-31 04:30:10

modem4999,
Темир өзү күнөөлүү болуш керек анткени любой чиновникпи министр, депутатпы буларда баары бир ыйман болбойт. Булар миллиондоп акча таап атканда эле кудайды да тааныбай калат. А тиги камаздын шоферунда чынында эле күнөө жок болуш керек

Комментарий калтыруу үчүн өз ысымыңыз менен кириңиз же каттоодон өтүңүз.