Депутат дары-дармек салуучу кутуча жана өрт өчүрүүчү жабдыктар ИИМ кызматкерлеринин өздөрүнүн унааларында жоктугун айтты

Бүгүн, 12-январда Жогорку Кеңештин "Кыргызстан" фракциясынын жыйынында жол коопсуздугун камсыздоо жана жол кырсыктарын алдын алуу боюнча көрүлүп жаткан иш-чаралар жөнүндө каралып жатат.

Депутат Нурланбек Макеевдин айтымында, Жол кыймылынын коопсуздугун камсыздоо боюнча башкы башкармалыгынын кызматкерлери бир автоунааны токтотуп, дары-дармек салуучу кутучасын жана өрт өчүрүүчү жабдыктарын текшерген. "Мындай жабдыктар, ички иштер министринин орун басары, өзүңүздө барбы? Өзүңөрдө жок туруп, башкаларды кантип текшересиңер?" - деди депутат.

Ички иштер министринин орун басары Алмазбек Орозалиев кызматтык автоунаасында аталган жабдыктар бар же жоктугун билбей турганын айтты.

Эл өкүлү министрдин орун басарына тартипти биринчи алар сакташы керектигин билдирди.

Автор: Жылдыз Джускембаева