КСДП фракциясынан депутат Дастан Бекешев социалдык түйүндөрдөгү билдирүүлөр, маалымат каражаттарындагы кадыр-баркка шек келтирген материалдар үчүн жоопкерчиликке тартуу боюнча мыйзам долбоорун сунуштаган. Буга карата бүгүн, 12-январда сөз эркиндиги боюнча тегерек стол өтүп жатат.
Талкууда укук коргоочулар, коомдук ишмерлер аталган мыйзам долбооруна каршы чыгышты. Жогорку Кеңештин мурдагы депутаты Чолпон Жакупованын айтымында, бул өзгөртүү сөз эркиндигин ого бетер чектөөгө ала турганын айтты. "Соттор тарабынан акыркы учурларда ЖМКларга жана ага пикирин айткан тараптарга коюлган миллиондогон сом айыптар салынды. Эми бул демилге кекиртектен алышы мүмкүн", - деди Жакупова.