Мамлекеттик ишмер Медеткан Шеримкулов басма сөз эркиндиги боюнча өтүп жаткан талкууда экс-президент Алмазбек Атамбаев менен президент Сооронбай Жээнбековго кайрылды. Мамлекеттик ишмер аларды соттор аркылуу ЖМК жана айрым адамдарга карата айып төлөтүүнү артка кайтарууга чакырды.
"Кабай Карабеков, Нарын Айып, Чолпон Жакуповага жана ЖМКларга бир канча миллион акча айып салынды. Алар акчаны төлөй алышпайт. Ошондуктан Атамбаев менен Жээнбековду доо арыздарын артка кайтарууга чакырам", - деди Шеримкулов.
Ал эми экс-депутат Зайнидин Курманов соттордун чечимдери боюнча айып төлөөчүлөрдү мамлекеттик эмес уюмдарга кайрылууга чакырды.