Олимпиадалык резервдин балдар жана өспүрүмдөр адистештирилген мектебин оңдоп-түзөө үчүн 34 миллион сом керектелет. Бул тууралуу бүгүн, 15-январда Жогорку Кеңештин комитетинин жыйынында Жаштар иштери, дене тарбия жана спорт мамлекеттик агенттигинин директору Канат Аманкулов билдирди.
“Бул маселени былтыр көтөргөнбүз. Мектептин шарты начар, оңдоп-түзөөдөн өтүш керек. Буга 34 миллион сом керектелет. Жатакананы, ашкананы оңдоп, эмеректерди алуу зарыл”, - деди ал.
Буга чейин Жогорку Кеңештин жыйынында депутат Тазабек Икрамов окуу жайдын абалы начар экенин айткан.