Сооронбай Жээнбеков Боинг кырсыгынан каза болгондордун балдары жана туугандары менен жолукту

Бүгүн, 15-январда президент Сооронбай Жээнбеков Боинг кырсыгынан каза болгондордун балдары жана туугандары менен жолукту. Бул тууралуу президенттик аппараттын басма сөз кызматы билдирди.

Маалыматка ылайык, мамлекет башчысы аларга көңүл айтып, бүгүнкү күнгө чейин ошол каргашалуу күнү каза болгондорду жоктоо кайгы-муңу басаңдай электигин белгиледи. "Ал күндөрү бүт өлкөбүз оор жоготууну баштан кечирип жатты. Терең кайгыруу менен дагы бир жолу сиздерге көңүл айтам", - деди президент.

Жолугушууда жабыркагандардын атынан сүйлөгөн Венера Шейшенова көңүл буруп, кайгысын тең бөлүшкөнү, берилген жардамы үчүн ыраазычылык билдирди. Муну менен бирге социалдык түйүндөрдө жана маалымат каражаттарында жабыркагандарга бөлүнгөн акча каражаттары жана гуманитардык жардам жөнүндө туура эмес маалымат таркатылган бир катар жагдайларды дагы белгиледи. Анын айтымында, жабыркагандар өздөрү бир да жолу нааразычылык айткан эмес.

"Жабыркагандар өкмөттүк комиссия менен биргеликте тыгыз иштешти. Биздин бир да маселебиз, көйгөйүбүз чечилбей калган учур болгон эмес. Бардык акча каражаттары, анын ичинде Кыргыз мамлекетинин кайдыгер эмес жарандары тарабынан чогултулган каражаттар биз каалагандай, биз айткан сунуштарды эске алуу менен бөлүнүп берилди", - деди Венера Шейшенова.

Президент менен болгон жолугушуунун соңунда балдар белекке планшет алышты.

Маалымат боюнча, ата-энесинен айрылган балдарга атайын улуттук жана чет өлкөлүк валюталык пайыздуу депозиттик эсептер ачылган. Өзгөчө кырдаалдар министрлигинде ачылган атайын эсепке чогулган акча каражаттардан бөлүнгөн жана Түркия тараптан компенсация иретинде төлөнүүчү акча каражаттар балдар 18 жашка чыкканга чейин алардын атайын эсебинде сакталат.

Эске салсак, Боинг-747 учагы 2017-жылдын 16-январында Чүй облусунун Курулуш башкармалыгынын дачалары аймагына кулап, 39 адам каза болгон.

Автор: Жылдыз Джускембаева
Фото: Султан Досалиев

18:05 15-01-2018

Жазылуу

РУБРИКАДАГЫ СОҢКУ КАБАРЛАР

18:03 2025-07-09 | Саясат

Садыр Жапаровдун Тажикстанга болгон мамлекеттик сапары аяктады 28 0

18:00 2025-07-09 | Түркүн дүйнө

Күндүн сүрөтү. Түндүк Кореяда айкелдерге таазим кылган эл 65 0

17:31 2025-07-09 | Түркүн дүйнө

Москванын соту Telegram мессенжерине 7 миллион рубль айып салды 144 0

17:06 2025-07-09 | Түркүн дүйнө

Орусияга жылдын аягына чейин Индиядан 1 миллион мигрант келет 512 0

17:00 2025-07-09 | Коом жана турмуш

Чүйдө 1400 орундуу мектеп капиталдык оңдоодон өткөрүлүүдө 133 0

16:54 2025-07-09 | Түркүн дүйнө

Греция өзүнүн түштүк аралдарынан миңдеген мигранттарды куткарды 214 0

Архив

Комментарийлер (9)

Muslim_KGstana.

2018-01-15 18:35:14

Кунолуу адамдарды табам деп соз бере алат бекен? Урматтуу президентибиз

Aibek8992

2018-01-15 18:38:15

жаш баланын конулун которуп президент ордуна олтургузуп койуптур э. Алла ыраазы болсун!

jaskaaa

2018-01-15 23:03:53

Aibek8992, Жаштын тилегин берет. Кудай насип кылса президент да болот.

Adiletia

2018-01-16 09:07:28

Соке брат күнөлүү адамга иш козгоп койчу эркекче. Ким күнөлүү экенин ар бир кыргыз билет. Кудай жеткизсин күнөлүү жүктүн ээсине

Badr.Hari.

2018-01-15 19:09:17

Сокеда и Айгул женешада ыймандуу эле адамдар окшойт.

Medina87

2018-01-15 20:45:35

"Лучше поздно чем никогда!! " Мына бул башка кеп! А то, АША как будто туболук жашачудай маркумдарды эске алып да койгон жок!

RaHat19

2018-01-15 21:45:10

деги ушул акыркысы болсо экен.Ушул жакындарын жоготкондорго жылуу эле соз керек.Убакыт даарылайт деп койобуз бирок бул кун оной эле унутулбайт.Ушул артында калгандар аман болушсун.Артында калган балдар бийиктикке жетсин.

jaskaaa

2018-01-15 23:02:27

Буйруса Жаны президенттен умут чон! Айрыкча шаарларды онуктуру программасы абдан жакты!

Derzki_kyrgyz

2018-01-16 03:44:03

Бул президентибиз да кырсык болгон жерге бара албаптыр. Барып куран тушуруп койсо болмок. Аларды кайра кайра кок уйго чакыра бербей

Комментарий калтыруу үчүн өз ысымыңыз менен кириңиз же каттоодон өтүңүз.