2017-жылы өкмөттүк аппаратка 7 миң 837 кайрылуу түшкөн. Бул тууралуу бүгүн, 16-январда өкмөттүн басма сөз кызматы билдирди.
Маалыматка ылайык, анын ичинен 2 миң 651 кайрылуу оозеки жана 5 миң 186 кат түрүндө түшкөн.
“Эң көп кайрылуулар Бишкек, Чүй жана Жалал-Абад аймактарынын тургундарынан келип түшкөн. Кайрылуулардын көбүнчөсү социалдык жана турак жай маселелерине байланыштуу. Коомдук кабылдамага кайрылган 1273 жарандын ичинен өкмөт жетекчилиги тарабынан 346 адам кабыл алынган”, - деп жазылат маалыматта.