Сооронбай Жээнбеков Дүйнөлүк банктын вице-президенти Сирил Мюллерди кабыл алды

Бүгүн, 16-январда президент Сооронбай Жээнбеков Европа аймагы жана Борбордук Азия боюнча Дүйнөлүк банктын вице-президенти Сирил Мюллерди кабыл алды. Бул тууралуу президенттик аппараттын басма сөз кызматы билдирди.

Маалыматка ылайык, Сооронбай Жээнбеков жана Сирил Мюллер Кыргыз мамлекети жана Дүйнөлүк банктын жакынкы жылдарга карата кызматташуу келечегин талкуулашып, шериктештиктин артыкчылыктуу багыттары боюнча пикир алмашышты.

Жээнбеков Дүйнөлүк банк Кыргыз өлкөсүн өнүктүрүү боюнча негизги өнөктөш экендигин белгилеп, өлкөнүн социалдык-экономикалык өнүгүүсүнө көрсөткөн колдоосуна ыраазычылык билдирди.

Ал биргелешкен кызматташуунун алкагында транспорт, айыл чарбасы, энергетика, саламаттыкты сактоо, билим берүү, мамлекеттик башкаруу, калкты социалдык жактан коргоо сыяктуу тармактарды бекемдөө үчүн долбоорлор ишке ашырылганын белгиледи.

Сирил Мюллер Кыргыз мамлекетинде эгемендик жылдары кедейчиликтин деңгээли эки эсе азайганын жана бул калктын турмушун жакшыртууга багытталган Дүйнөлүк банктын максаттарына жооп бергенин канааттануу менен белгиледи.

Жолугушуунун соңунда Сооронбай Жээнбеков Кыргыз өлкөсү үчүн Дүйнөлүк банктын жана өнүгүү боюнча башка өнөктөштөрдүн колдоосу стратегиялык максаттарды жана экономиканын өсүшүн, жарандардын жакшы жашоосун камсыздоо боюнча алдыдагы маселелерди ишке ашырууда абдан маанилүү экенин белгиледи.

Автор: Жылдыз Джускембаева
Фото: Султан Досалиев

20:25 16-01-2018

Жазылуу

РУБРИКАДАГЫ СОҢКУ КАБАРЛАР

20:44 2025-06-29 | Түркүн дүйнө

Белградда миңдеген адам митингге чыгып, мөөнөтүнөн мурда шайлоо өткөрүүнү талап кылышууда (видео) 1463 0

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1831 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 1361 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 1337 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 790 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 715 0

Архив

Комментарийлер (2)

Nurik1988

2018-01-16 20:40:05

Карыз сурагыла дагы

daniel87

2018-01-16 22:00:26

Азыр биз озубузду денсоолукту ойлобой акча жиндиси болуп акчанын кулуна айланып калдык тапканыбызды тиричиликке жумшап калдык!бай кедей болуп Айдын ачык болундук калдык.Келечекте ушул боюнча кетсек Капиталисттик олкого айланабыз

Комментарий калтыруу үчүн өз ысымыңыз менен кириңиз же каттоодон өтүңүз.