Ошто 16 жаштагы Фахринур Хасилов изделүүдө

Ошто дайынсыз жоголгон 2002-жылы туулган Фахринур Хурсандбекович Хасилов изделүүдө. Бул тууралуу Ош ШИИБинин басма сөз кызматы билдирди.

Маалым болгондой, ал 2017-жылдын 28-декабрында түнкү саат 00:20 чамасында Ош шаарынын Калинин конушундагы үйүнѳн белгисиз жакка чыгып кеткен боюнча кайрылып келген эмес.

Ѳзгѳчѳ белгилери: дене түзүлүшү орто, кара тору. Кашы-кѳзү кара. Боюнун узундугу 165-175 сантиметр. Үстүндѳ кѳк түстѳгү кышкы куртка, боз түстѳгү спорттук кийим болгон. Бутунда кара түстѳгү спорттук бут кийими бар. Оң кулагынын артында 0.5 сантиметрлик калы бар.

Баланын жүргѳн жери тууралуу маалымат билген болсоңуз тѳмѳндѳгү телефон номерлерине билдирип коюу зарыл: 03222-2-08-63, 03222-2-75-15, 0707-88-84-84, 0551-05-42-75.

Автор: Нургазы Аматов