2017-жылы мамлекеттик баалуу кагаздарды чыгаруудан бюджетке 15 миллиард 6 миллион сом түштү

2017-жылы мамлекеттик баалуу кагаздарды чыгаруудан өлкөнүн республикалык бюджетине иш жүзүндө 15 миллиард 6 миллион сом суммасында акча каражаттары келип түштү. Бул тууралуу Каржы министрлигинин басма сөз кызматы билдирди.

Маалыматка ылайык, мамлекеттик казына векселдерин жайгаштыруунун эсебинен 3 миллиард 980 миллион сом, ал эми мамлекеттик казына облигацияларын жайгаштыруунун эсебинен 11 миллиард 673 миллион сом түшкөн.

Өкмөттүн мамлекеттик баалуу кагаздарынын түрлөрү:

Мамлекеттик казына векселдери;
Мамлекеттик казына облигациялары;
Казына милдеттенмелери.

Автор: Жылдыз Джускембаева