Жол кыймылынын коопсуздугу башкы башкармалыгынын жетекчисинин кырсыктарды азайтуу боюнча жообу депутатты канааттандырган жок

Бүгүн, 19-январда Жогорку Кеңештеги "Республика-Ата Журт" фракциясы жол коопсуздугуна арналган жыйын өткөрдү. Анда депутат Зарылбек Рысалиев жаңы түзүлгөн жол кыймылынын коопсуздугу башкы башкармалыгынын жетекчиси Канат Жумагазиевдин иш пландарына кызыкты.

"Сиз бул кызматка эмнелерди өзгөртөм деп келдиңиз? Сиз оперкызматкери болчусуз, эмнени жасайм деп келдиңиз? Бул жумушка кандай себеп менен келдиңиз, сынактан өттүңүзбү же бир ишти өзгөртөйүн деп келдиңизби? Кандай пландарыңыз бар?" - деп суроо салды Рысалиев.

Жол кыймылынын коопсуздугу боюнча башкы башкармалыгынын жетекчиси Жумагазиев учурда алгылыктуу иштер жүрүп жатканын айтты.

"Эң негизгиси ушул тармакты реформалоо, жол кырсыгын азайтып, чынында көп эле жумуштар жүрүп жатат. Негизги план жол кырсыктарын азайтуу. Азыр 161 кызматкер бөлүндү иштеп баштадык. Күнүнө эреже бузган үч миңден ашык айдоочуларга айып салып жатабыз, күнүнө айып аянтчасына 200дөн ашуун унаа киргизилип жатат", - деди Жумагазиев.

Депутат Жумагазиевдин жообуна канааттанбаганын билдирип, мурдагы суроону кайра кайталады.

"Эми бул деген катардагы жол көзөмөлдөөчүнүн иши да. Сиз өзүңүз бул кызматка келе жатканда эмне пландар менен келдиңиз эле?" - деген депутаттын суроолоруна Жумагазиев жооп бере алган жок.

Автор: Мунарбек Жоргомов

18:51 19-01-2018

Жазылуу

РУБРИКАДАГЫ СОҢКУ КАБАРЛАР

00:02 2025-07-09 | Саясат

Тажикстандын борборунда кыргыз ыр-күүлөрү жаңырды 405 0

23:31 2025-07-08 | Түркүн дүйнө

Дональд Трамп Орусияны коркутууга алды 1464 0

23:19 2025-07-08 | Саясат

Душанбеде кыргыз-тажик өндүрүмдөр көргөзмөсү болду. Ага эки өлкөнүн лидерлери барды 453 0

22:50 2025-07-08 | Түркүн дүйнө

Ярославль шаарында бороон бак-дарактарды кыйратып, жолдор жабылды (видео) 473 0

22:08 2025-07-08 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 903 0

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 1555 0

Архив

Комментарийлер (3)

Jelezo

2018-01-19 19:11:03

Топтогону келди да билип туруп сурабагылачы

Jelezo

2018-01-19 19:17:53

Рысалиев өзү эмне кылганына мактана алат болгону Батукаевди Нарындан Манас аэропортуна чейин кайтарып барып самалетко салып качырганы менен белгилүү болгонда

mratbashy

2018-01-19 23:19:04

Бапки бапки

Комментарий калтыруу үчүн өз ысымыңыз менен кириңиз же каттоодон өтүңүз.