Орусияда өспүрүмдөргө социалдык түйүндөргө катталууга тыюу салуу сунушталды

Орусияда окуучуларга социалдык түйүндөргө катталууга тыюу салуу сунушталды. Мамлекеттик думада сунушталган долбоорго ылайык, 14 жашка чейинки өспүрүмдөр социалдык түйүндөргө катталышы үчүн балдардын мыйзамдуу өкүлүнүн макулдук каты болушу керек. Бул тууралуу орус басылмалары жазышты.

Маалыматка ылайык, 14 жашка чейинки өспүрүмдөргө социалдык тармактарда өзгөчө эрежелер киргизилип, алардын туугандары аккаунттун түзүлүшү үчүн кат бериши керек. Бул эрежелерди тартипке келтирүү милдети социалдык желелердин ээлик кылуучуларына жүктөлөт. Мыйзам бузулган учурда ээлик кылган жеке жактарга 5 миң, кызмат адамдарына 50 миң, юридикалык жактарга миллион рублга чейин айып салынат.

Бул мыйзам өткөн жылы да сунушталып, Мамлекеттик думанын төмөнкү палатасы колдогон эмес. Буга социалдык түйүндөргө бардык катталуучулар жеке маалыматтарын бериши керек деген норма себеп болгону айтылат.

Интернеттин өспүрүмдөргө таасири туурасындагы талкуулар, Орусиянын аймактарындагы окуучуларга, мугалимдерге кол салган балдардын окуясынан кийин курчуган. Эске салсак, 15-январда Орусиянын Пермь шаарында бычак менен куралданган эки өспүрүмдүн урушунан улам 13 адам жаракат алган. 19-январда Орусиянын Бурятия Республикасынын Улан-Удэ шаарында сабак өтүлүп жаткан класска кирип барган эки өспүрүм мугалимди жана окуучуларды балта менен чапкылап, бөлмөнү өрттөп жиберишкен.

Кийинчерээк Пермдеги окуяга катышкан балдардын бири ВКонтакте түйүнүндөгү 1999-жылы АКШнын Колумбайн мектебинде массалык өлтүрүлгөндөргө арналган топтун баракчасында катталганы белгилүү болгон. 1999-жылы Колумбайн мектебинде 2 чоң класстын окуучулары 13 адамды атып өлтүрүп, 20дан ашуун балдарды жарадар кылган. Бул окуядан кийин окуучулар өз өмүрүнө кол салышкан.

Автор: Мунарбек Жоргомов

21:41 22-01-2018

Жазылуу

РУБРИКАДАГЫ СОҢКУ КАБАРЛАР

10:04 2025-06-30 | Коом жана турмуш

1-июлдан тарта айдоочулардын камсыздандыруу полиси текшериле баштайт 5 0

10:01 2025-06-30 | Коом жана турмуш

Ошто каналдын жээктерин курулуштардан тазалоо иштери кызуу жүрүп жатат (видео) 35 0

09:50 2025-06-30 | Түркүн дүйнө

Индияда фестиваль маалында чыккан дүрбөлөңдөн 3 адам каза болду 70 0

09:47 2025-06-30 | Кылмыштар, кырсыктар

Соңку суткада өлкөдө 40 өрт кырсыгы катталды 39 0

09:39 2025-06-30 | Саясат

Төрага Тургунбек уулу ЕККУнун Парламенттик ассамблеясынын жыйынына катышат 81 0

09:33 2025-06-30 | Түркүн дүйнө

Измирде ири өрт чыгып, тургундар эвакуацияланууда 253 0

Архив

Комментарийлер (6)

Azatbek83

2018-01-22 22:49:58

Жакшы кылыптыр.Бирок деген силер жазьадынар беле 2018 жылы 1-Январьдан баштап Орусияда энергетикалык суусундуктар сатууга чыкпайт деп мен уктум эле сатып эле жатышат деп?! Кече оз козум менен кордум сатылып жатат именно жаш балдар тандап алып жатышканын! Орусияда 1-Январдан баштап ДПС ГАИ. болбойт деп орустарда жазышты эле ГАИнин ордуна башка ачылат сокращение болот ППСтин укугу болот баардык машинаны токтотуп текшергенге деп бирок андай болгон жок.Мурункудай эле же эми кучуно киреби деп койдум.

kilim

2018-01-22 23:40:17

Azatbek83,ооба энергетикалык суусундуктар сатылбайт деген. Сатылып эле атат бут эле жерде

Azatbek83

2018-01-23 13:03:11

kilim,Анан мен эмнени айтып жатам?!Сатылып жатат ошон учун коментарини жаздым.

suban78

2018-01-23 00:15:16

Жаш балдарга кантип каттапай кое алышат, физически мумкун эмеско дейм. Ар бирин текшере албаса керек.

Saidochka

2018-01-23 06:07:31

suban78,туура,жашын чонойтуп,катталса,жанында турбагандан кийин,Ким билет,анын жакшы канчада экенин

Totyua.71.

2018-01-23 01:05:58

Туура болот,мен кошулам,керексиз сайттарга кирип кетип алданып калып,оз омурлоруно тугул башкаларына да зыян келтирип жатышат!

Комментарий калтыруу үчүн өз ысымыңыз менен кириңиз же каттоодон өтүңүз.