Өлкөдө 20 камсыздандыруу компаниясы иштеп жатат

Өлкөдө 20 камсыздандыруу компаниясы иштеп жатат. Бул тууралуу бүгүн, 24-январда Жогорку Кеңештин жалпы жыйынында Финансы рыногун жөнгө салуу жана көзөмөлдөө мамлекеттик кызматынын статс-катчысы Абдухалык Шамшиев билдирди.

"Өлкөдөгү фонддук базарда 88 профессионалдык компаниялар иштеп жатат. Анын ичинен 20 камсыздандыруу компаниясы бар. 24 брокердик, 25 дилерлик жана башка багыттагы компаниялар бар. Акыркы 2-3 жылда баалуу кагаздар базарында жылыш байкалды. Сунушталып жаткан баалуу кагаздар рыногу жөнүндө мыйзам долбоору өлкөдөгү баалуу кагаздар базарынын жанданышына шарт түзөт", - деди Шамшиев.

Автор: Мунарбек Жоргомов