Класстын ичиндеги абанын температурасы +18 градустан төмөндөп кетсе мектептер убактылуу жабылат

Кыргыз Республикасынын Билим берүү жана илим министрлиги өлкөдөгү мектеп жетекчилерине класстардагы абанын температурасын өлчөп, окуучулардын саламаттыгы жөнүндө министрликке улам маалымат берип турууну буйрук кылды. Бул тууралуу министрликтин басма сөз кызматы билдирди.

Маалыматка ылайык, 26-январдан тарта өлкөдө күтүлүп жаткан суук аба ырайына байланыштуу шаардык жана райондук билим берүү башкармалыктарына тапшырмалар жөнөтүлдү.

Ошондой эле маалыматта Санитардык-эпидемиологиялык департаменттен тиешелүү жазма буйрук келсе министрлик окуу процессин убактылуу токтотуу тууралуу чечим кабыл аларын белгилешкен.

"Бала бакчаларда жана мектептерде класстын ичиндеги абанын температурасы +18 градустан төмөн эмес, +22 градустан жогору болбоосу керек. Эгерде абанын температурасы төмөндөп, ооруган окуучулардын саламаттыгына кооптуу абал жаратса мектептер убактылуу жабылат. Ал эми окуучулардын 30 пайыздан көбү ооруп сабакка келбей жатса, карантин жарыяласа болот", - деп айтылат маалыматта.

Айта кетсек, Өзгөчө кырдаалдар министрлиги 26-29-январда өлкөдө суук күчөп, күндүз Бишкекте абанын температурасы -16 градуска чейин төмөндөй турганын, айрым тоолуу аймактарда -30 градус боло тургандыгын эскерткен.

Автор: Айзада Тураркулова

17:24 24-01-2018

Жазылуу

РУБРИКАДАГЫ СОҢКУ КАБАРЛАР

00:08 2025-07-10 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 1660 0

00:01 2025-07-10 | Түркүн дүйнө

Европадагы анамалдуу ысык 2 миңден ашуун адамдын өмүрүн алды 305 0

23:53 2025-07-09 | Саясат

Ташиев Салык кызматынын мурдагы жетекчисинин байлыгын айтып таң калды (видео) 1319 0

23:41 2025-07-09 | Саясат

"Бай эмеспиз жыл сайын жол жасаган..." Таластагы жолдун сапаты сынга кабылды (видео) 486 0

23:19 2025-07-09 | Түркүн дүйнө

Астанада авиабазада аскер кызматкери куралдан жаракат алгандыгы айтылууда 357 0

22:30 2025-07-09 | Саясат

АКШга визалардын мөөнөтү кыскарды. ТИМ маселе боюнча үн катты 602 0

Архив

Комментарийлер (3)

Totyua.71.

2018-01-24 21:48:28

Кыргызстанда суук болсо бардык мектептер бирдей жабылыш керек.!

Gulim_zamujem

2018-01-24 23:17:22

Бизде +18 эмес эле +8 болсо кана,мууздак класстын ичи тем более "0" класс ошого да шугур деп окуп жатабыз.

nargiz94

2018-01-25 00:47:51

Качан гана баары ооруп, сабакка келбей калып анан мектепти жабыш керекпи. Эртен мененки 7 жапымда сабакка жоношот, мектептен уйу алытар да бар арасында.. ошол суукта ким оорубасын. Чондор жыпжылуу машинасы мн жумуштарына жетип алат, балдарын машинасы мр жеткирет аларга билинбейт. Ошентип жоо броып корушсо давно чыгарышмак чечимди

Комментарий калтыруу үчүн өз ысымыңыз менен кириңиз же каттоодон өтүңүз.