Экотехинспекция: "Токтогулдагы алтын кенде иштеп жатып техникасы менен тоодон кулап каза болгон жарандын иши боюнча текшерүү жүрүп жатат"

Токтогулда алтын кен казган ишкана иштетип жатып техникасы менен тоодон кулап каза болгон Жылдызбек Сейитбековдун иши Экологиялык жана техникалык коопсуздук боюнча мамлекеттик инспекциясы тарабынан иликтенип жатат. Бул тууралуу аталган мекеменин Тоо-кен көзөмөлдөө башкармалыгынын инспектору Азат Раимбердиев билдирди.

"Бул иш боюнча 5 адамдан турган комиссия түзүлгөн, анын төрагасы менмин. Учурда иликтөө иштери жүрүп жатат, анын негизинде бул кырсыкка кимдин канча күнөөсү бар аныкталат. Ошого жараша жыйынтык чыгарып беребиз. Каза болгон адамдын туугандары айтып жаткандай погрузчик эски, жараксыз техника эмес, 2014-жылы чыгарылган жаңы техника болгон, бирок дөңгөлөктөрү чындап эле жешилип калган", - дейт Раимбердиев.

Андан сырткары ал маркум менен фирманын ортосунда кагаз жүзүндө түзүлгөн келишим жок экенин, анын үй-бүлөсүнө канча суммада компенсация төлөп берери иликтөөнүн натыйжасы менен белгилүү боло турганын айтты.

"Эгер кызматкер менен фирманын ортосунда документ түрүндө келишим болсо, ошондой эле кызматкердин каза болуп калуусуна толук фирма күнөөлүү болсо анда кызматкердин айлык акысын толук түрдө үй-бүлөсүнө 20 жыл бою төлөп берип турат. Бирок бул жерде кагаз түрүндө келишим жок экен, бирок Жылдызбек Сейитбековдун эртең менен жумушка чыккандагы жана кетип жатып кол коюп жүргөн журнал бар экен. Иликтөө аягына чыкса ким тарабынан канча күнөө кетирилгендиги аныкталып ошого жараша фирма тарабынан компенсация төлөнүп берилет", - дейт Азат Раимбердиев.

Айта кетсек, буга чейин SUPER.KG порталына Жылдызбек Сейитбековдун жубайы Таттыбү Жандар кызы күйөөсү алтын кенде иштеп жатып техникасы менен тоодон кулап каза болгонун, фирма аларга компенсация төлөбөй жатканын айтып кайрылган.

Автор: Кенжебай Сатканалиев

18:09 24-01-2018

Жазылуу

РУБРИКАДАГЫ СОҢКУ КАБАРЛАР

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 202 0

21:08 2025-07-08 | Кылмыштар, кырсыктар

Чүйдө 39 жаштагы киши өз энесин сабап, изин жашырып кетти 602 0

20:30 2025-07-08 | Кылмыштар, кырсыктар

Байтик айылындагы жер тилкелерин бөлүштүрүү иштери текшериле баштады 285 0

19:43 2025-07-08 | Саясат

Якутияда XXII Манчаары оюндары башталды 469 0

19:24 2025-07-08 | Түркүн дүйнө

Трамптын Казакстанга жеткен катына жооп берилди. Эмне кеп? 1308 0

18:59 2025-07-08 | Коом жана турмуш

Түп районундагы бир нече айылда сел жүрдү (видео) 549 0

Архив

Комментарийлер (2)

aibars

2018-01-24 18:32:26

Жыйынтык чыгарып жаткан сен болсон, сени сатып алыштыда очойто акча берип. Эми жайынтыкты маркум куноолу кылып чыгарып койбо.

Boroborodach

2018-01-25 05:52:32

Россияда болгондо ишкананы мыйзамсыз жумушчу иштеткени учун ото коп суммадагы айыпка кириптер кылмак.эгерде биздикилер да ошентсе Анан чыкмак компенсациянын баасы туурабы туугандар.Айласыз алсыздык

Комментарий калтыруу үчүн өз ысымыңыз менен кириңиз же каттоодон өтүңүз.