Депутат Жогорку Кеңештин жыйынына таза суу боюнча кызматтык милдеттери туура келбеген жетекчилер келгенине ачууланды

Бүгүн, 25-январдагы Жогорку Кеңештин жалпы жыйынында калкты таза суу менен камсыз кылуу боюнча өкмөттүк саат өтүүдө. Депутат Искендер Матраимов таза суу боюнча кызматтык милдеттери туура келбеген жетекчилер келгенине ачууланды.

"Вице-премьер-министр келсе бүт орун басарлары отурат. Жооп бере турган орун басарлары келсе да тейлөөчү кызмат адамы деп эсептейт элек. Билим берүү министрлигинин статс-катчысы отурат, Архитектура, курулуш жана турак жай-коммуналдык чарба мамлекеттик агенттигинин статс-катчысы отурат. Бул кишилердин иш милдеттери такыр башка. Эч кандай таза сууга тиешеси жок адамдар, жооп бере турган орун басары келсин же өзү келсин. Эптеп эле ушул "Жогорку Кеңеште таза суу боюнча маселе көтөрүлөт экен, барып келгиле" деп жибергендей. Сунуш кылат элем, жооп бере турган жетекчилер келсин. Статс-катчынын иш милдеттери такыр башка", - деди Матраимов.

Автор: Мунарбек Жоргомов