Депутат: "Мамлекеттин акчасын тоноп, ичип, жеп алдык. 70 миллион долларды чачып жиберип, азыр эч ким күнөөсү жок болуп отурат"

"Мамлекеттин акчасын тоноп, ичип, жеп, 70 миллион долларды чачып жиберип, азыр эч ким күнөөсү жок болуп отурат", - деди бүгүн, 25-январда Жогорку Кеңештин жыйынында депутат Максат Сабиров. Учурда таза суу маселесине арналган өкмөттүк саат өтүүдө.

Максат Сабиров: "Каржы министрлиги убагында насыяга алынган акча кайтарылып жатканын айтып жатат. Мамлекеттин насыя акчасын тоноп, ичип, жеп алдык. Азыр мамлекет кайра кайтарып жатат. 30 пайыз мектеп, бала бакчаларда таза суу жок. Таза суу деп чыгарылган суунун сапаты таза болбой жатат.

Баарын жыйынтыктап караганда мамлекеттик көз караш болбой жатат. Бардыгында күнөө бар, бирок ким жооп берерин эч ким билбейт. Ар бир иште кемчилик, анда эмне үчүн өкмөттүн өкүлдөрү иштеп жатат? Таза сууга деп 70 миллион долларды чачып жиберип, азыр эч ким күнөөсү жок болуп отурат. Чыккан суунун 30 пайызы лабораториядан таза суу эмес деп чыгып жатса, карагыла, акчалар кайда кетип жатканын, ал үчүн жооп бериш керек да", - деп вице-премьер-министр Дайыр Кенекеевге кайрылды.

Сабировго чейин депутат Жанар Акаев 2001-2014-жылдары Кыргыз өлкөсү таза суу үчүн 100 миллион долларга жакын каражат насыя жана жардамдарды алганын, бирок андан натыйжалуу жумуштар аткарылбаганын билдирген. Депутат Таалайбек Масабиров Базар-Коргон районундагы Акман айыл аймагындагы 5 айылга 32 миллион сом коротулуп, 2008-жылы үч ай иштеп, таза суу кайра чыкпай калганын айткан.

Белгилей кетсек, бүгүн Жогорку Кеңеште өкмөт таза суу маселесине арналган "өкмөттүк саат" өттү.

Автор: Мунарбек Жоргомов

14:34 25-01-2018

Жазылуу

РУБРИКАДАГЫ СОҢКУ КАБАРЛАР

00:40 2025-07-11 | Саясат

Садыр Жапаров оңдоп-түзөөдөн өткөн Айтматов проспектисине барды (видео) 233 0

23:58 2025-07-10 | Саясат

"Эшиктен да, тешиктен да чыгып..." Оштун мэринин видеосу талкуу жаратты 993 0

23:55 2025-07-10 | Саясат

Ташиев соттордун айлыгы жакында жарым миллион сомго жакындай тургандыгын айтты (видео) 351 0

23:50 2025-07-10 | Саясат

Бишкекте ипотекалык багыттагы 225 батирдин ачкычы тапшырылды 302 0

23:41 2025-07-10 | Саясат

Садыр Жапаров турак жайга муктаж болгондорду 5 жылда толук камсыздоо планын айтты 238 0

23:29 2025-07-10 | Саясат

Өлкөдөгү айылдарга да ипотекалык үйлөр курулат 432 0

Архив

Комментарийлер (3)

mederkg

2018-01-25 15:39:11

Жеп жеп жүрүп акыры бир күн геморойуңар чыгып чыча албай калып ичиңер жарылып кетсе экен.

Shekeev969798

2018-01-25 15:48:05

Эркек депутат жегенин мойнуна алды

Nevestkaa

2018-01-25 21:36:25

Бир болсо заман өзгөрөт депутаттар жегенин моюнга ала баштаптыр.Эрдик кылсаң сүрө кыл дейт урматтуу Сабиров эми жегениңерди кусуп мамлекетке төлөп берсеңер иттей сонун болмок,70млн жеп коюпсуңар ашказаныңар таш казан экен Жеңишбек Жумакадыр айткандай.Балдарга айына болгону 800сом пособияны бергенге ичиңер оорунат го НЕГЕ НЕГЕ НЕГЕЕЕЕЕЕ айткылачы ?

Комментарий калтыруу үчүн өз ысымыңыз менен кириңиз же каттоодон өтүңүз.