Интернет дүкөнгө Кыргыз паспортунун 220 долларга сатыкка коюлгандыгы жөнүндө Каттоо кызматы түшүндүрмө берди

Эл аралык "Еbay" интернет дүкөнүндө Кыргыз мамлекетинин эски үлгүдөгү ID-card паспорту 220 долларга сатылууда. Анда жарыяланган паспорт Баткен облусундагы Кадамжай районунун 1990-жылы туулган Аливидо Абдулпота уулу деген тургунуна 2007-жылы берилип, 2017-жылдын март айында жарактуу мөөнөтү аяктаган. Ал эми аталган интернет дүкөнгө паспорттун сатылары тууралуу жарыя 2016-жылы жайгаштырылып, баасы 220 доллар деп көрсөтүлгөн. Аливидонун паспортунун жанына Молдова мамлекетинин жаранынын паспорту да жайгаштырылып, ошол эле баага сатыла турганы белгиленген.

Мамлекеттик каттоо кызматы аталган жарыя боюнча SUPER.KG'ге бүгүн, 25-январда түшүндүрмө берди. Мекеменин басма сөз катчысы Мелис Эржигитовдун айтымында, ал паспортту коллекционерлер гана сатып албаса, башка эч ким сатып албайт.

"Жылына паспортун жоготуп алган жарандарыбыздын саны 60 миңге жетет. Ошол эле Орусия, Казакстан, Кытай, АКШ жана башка өлкөдө жоготуп алган жарандарыбыз бар. Жоголгон паспортту таап алгандар аны өрттөп, дүкөнгө күрөөгө коюп коюшу мүмкүн. Ошол сыяктуу эле Аливидо Абдулпота уулунун паспортун да кимдир бирөө интернет дүкөнгө жайгаштырып койгон болушу ыктымал. Себеби бул интернет дүкөн эл аралык болгондуктан каттоодон өтүп өз буюмуңду сатыкка коюп койсоң болот. Бирок Аливидонун паспортун коллекционерлер гана сатып албаса башка эч кимге кереги жок, жарактуу мөөнөтү да өтүп кеткен", - деп түшүндүрдү Эржигитов.

Автор: Жамалидин Парманкулов

19:02 25-01-2018

Жазылуу

РУБРИКАДАГЫ СОҢКУ КАБАРЛАР

13:38 2025-06-30 | Саясат

Садыр Жапаров ЖККУга мүчө-мамлекеттердин тышкы иштер министрлерин кабыл алды 121 0

12:55 2025-06-30 | Коом жана турмуш

Ат-Башыда "Кыргыз даамы", "Кыргыз шырдагы" фестивалдары өттү 174 0

12:26 2025-06-30 | Кылмыштар, кырсыктар

Айдоочу, абайла! Бишкекте жол кырсыгынан айдоочу каза болуп, жанындагы кыз оор жаракат алды 919 0

11:56 2025-06-30 | Кылмыштар, кырсыктар

Бишкектин вице-мэри Таалайбек Байгазиев опузалап алган акчасын кайтаруу учурунда кармалды 1163 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 230 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 320 0

Архив

Комментарийлер (6)

Too-tash

2018-01-25 22:08:37

Бироо сатып алып подделкасын жасап чыкса да биздин бийликке баары бир, баштары оорубайт...

KgKerim

2018-01-25 23:05:29

Сатыла элек паспортубуз эле калган!!!

taalay25

2018-01-25 23:57:03

KgKerim,сен туштон кийин ойгонубсун! Терорист, жанкечтилер жасалма кыргыз паспорту менен колго тушуп атканына 20 жыл болду

Almazbek1980kg.

2018-01-25 23:38:44

Сат сат сат паспортуң сат дипломуң сат.

jbolotov

2018-01-26 11:49:56

Паспорт 2016 жылы сатылат деп жарыяга чыккан экен, а жарамдык мооноту 2017 деп турат, демек юридикалык жарандыкты аныктаган документ сатылып атса бул эмне деген? Катто кызматында келесоолор иштейт окшойт ушинтип тушундурмо берсе.

Azatbek83

2018-01-26 20:52:19

Колтугундагы жунду сат! Анан терористер кыргыз паспорту менен экен деп журо бергиле!!!

Комментарий калтыруу үчүн өз ысымыңыз менен кириңиз же каттоодон өтүңүз.