Үй-жайсыздар баш калкалоочу жайдагы аял: "Бул жерде менин күйөөм бар, аны сүйөм, ошон үчүн үйгө барбайм"

Өткөн сутка ичинде "Тез жардам" кызматына көчөдө калган 14 адамга чакыруу түшкөн. Алардын тогузу үй-жайсыздар баш калкалоочу жайга, калганы ар кандай себептер менен ооруканага жеткирилген. Учурда Бишкек шаарында 4 үй-жайсыздар баш калкалоочу жай иштөөдө. Аталган жайда баш калкалап жаткан Наргиза аттуу айым жакшы жашоодо жашагысы келерин бүгүн, 26-январда SUPER.KG порталына айтып берди.

"Мен бул тагдырга арак ичип туш болдум. Менин кейпимди кийбегиле. Жолдошум каза болуп калгандан кийин августтан бери ушул жакта жашайм. 7-класста окуган балам бар. Өзүм кайсы жерден келгенимди айтпайм. Үйдөгүлөр мени издеп жатышат. Бул жерде менин күйөөм бар, аны сүйөм, ошону менен бактылуу болгум келет. Ошон үчүн үйгө баргым келбейт. Бул жерде тамактары жакшы, кары кишилерди да карайм. Мен деле жакшы жашоодо жашагым келет, бирок ага арак тоскоолдук кылып жатат. Аракты ичем, аракты сүйөм, арак үчүн өлөм. Акча берсең дагы арак ичем. Ооруканага барып кан тапшыргам, эч жерим оорубайт, таптазамын. Бизди кармап кеткен милиция байкенин "отметка" алганы эле болбосо калганынын баары жакшы", - деп көзүнө жаш алды Наргиза.

Белгилүү болгондой, учурда үй-жайсыздарды кабыл алуу үчүн Биринчи Май райондук администрациясына караштуу “Коломто” муниципалдык мекемеси, Ленин райондук администрациясында "Кайрымдуулук борбору" коомдук фонду иштеп, Октябрь райондук администрациясында жана Свердлов районунда убактылуу баш калкалоочу жай ачылган.

Үй-жайсыздардын өлүмү 15ке жетти. Бишкектеги баш калкалоочу жайлардын абалы кандай?

Автор: Максат Орозумбетов
Фото: Максат Орозумбетов

11:00 27-01-2018

Жазылуу

РУБРИКАДАГЫ СОҢКУ КАБАРЛАР

13:38 2025-06-30 | Саясат

Садыр Жапаров ЖККУга мүчө-мамлекеттердин тышкы иштер министрлерин кабыл алды 121 0

12:55 2025-06-30 | Коом жана турмуш

Ат-Башыда "Кыргыз даамы", "Кыргыз шырдагы" фестивалдары өттү 174 0

12:26 2025-06-30 | Кылмыштар, кырсыктар

Айдоочу, абайла! Бишкекте жол кырсыгынан айдоочу каза болуп, жанындагы кыз оор жаракат алды 919 0

11:56 2025-06-30 | Кылмыштар, кырсыктар

Бишкектин вице-мэри Таалайбек Байгазиев опузалап алган акчасын кайтаруу учурунда кармалды 1163 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 230 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 320 0

Архив

Комментарийлер (19)

ilgizk

2018-01-26 22:12:27

Сүйүүгө пышырып коюптурбу, жинди сууну ичкенде желмогузда сулуу көрүнүп калат..

+12

farida.kg.1991

2018-01-26 22:18:35

Аракты чайнеке кайнатып ич суйгонун менен ыссык арактан ичип отурабергиле.

salimbek87.kg

2018-01-26 22:22:11

Аракты сүйбөй эле кой арак акыры жакшылык менен бүтпөйт.

Aikoo2014

2018-01-26 22:49:13

Ээ Аллахым ыйман ынсап берсин. Жок эмес уулу бар экен, Аллахка шугур деп эле жашай бербейби нары. Жолдошум олду анан бул жакта жолдошум бар деп. Булар динден кабары болбогондон кийин, нике уй було дегендерденда кабары жок чыгар. Тообо кылдым!
А тиги баш калкалоочу жайда жыргатаарлык эмес экен. Эски эле имаратка от жагып биртке тамак берип коёт окшойт. Бирок кочодо тонуп калганча алкашдарга боло берет дечи.

kilim

2018-01-26 22:51:14

Ич дагы ич арак тубуно жетет

Baha-kyrgyz

2018-01-26 22:58:14

Терезеде 100 доллар турат го. Арак ичет да баарына эми

-3

Omurbek998

2018-01-26 23:23:40

Мен бир нерсени билем арак ичкен адам жакшы адам эмес

Nurmat92

2018-01-26 23:57:51

Кой болдугула андан көрө Аллахым хидаят берип оң жолду жакшы жашоону буларга да буюрсун деп дуа кылалы

+12

bakulya2015

2018-01-27 01:01:30

Тообо кылдым

Asat17

2018-01-27 08:01:44

Ушундайлардын ичкендерин атайын камап коомдук жумушга тартыш кк го

vavilon.

2018-01-27 11:32:40

Ал деле ысык жанда, сүйүү керек да ага деле.

barakcha

2018-01-27 11:39:50

Эх Аллахым,адашкандарды озун кечирип кайтара кор!

Ermekbai

2018-01-27 12:26:44

Баарынан кызыгы терезеде 100$ туратго.

-2

guli-1980

2018-01-27 16:02:16

Суйбой сумурон кал. 7 класстагы балан каякта калды

AIZAD

2018-01-27 17:11:06

Тобо!!! Кудай сактасын

Комментарий калтыруу үчүн өз ысымыңыз менен кириңиз же каттоодон өтүңүз.