29-январда Жайыл районундагы Шорго-Булак суусу тоңуп, муз катмары пайда болгондуктан суу жээктен ашып, Тунук айылындагы 6 турак үйдүн короо жайларын каптап кеткен. Өзгөчө кырдаалдар министрлигинен 1 экскаватор, айыл аймактан 1 жүктөгүч, жергиликтүү тургундардан 20 адам тартылып, кырсыктын алдын алуу жумуштары жүргүзүлүп баштаган.
Тоңгон музду жаруу жана жээк бекемдөө иштери аткарылып, коркунуч жоюлганын 2-февралда ӨКМнын басма сөз кызматынан кабарлашты.