Өкмөт башчы жаңы төрөлгөн ымыркайларга сүйүнчү пулду берүүнүн жолдорун жеңилдетти

Жаңы төрөлгөн ымыркайларга сүйүнчү пулду берүү жөнүндө жарандардын арыздарын каттоо боюнча пилоттук долбоорду ишке ашыруу башталды. Тийиштүү буйрукка премьер-министр Сапар Исаков кол койгонун өкмөттүк аппараттан кабарлашты.

Ага ылайык, сүйүнчү алуу үчүн ата-эне каттоо кызматынан баланын туулгандыгы тууралуу күбөлүккө арыз берип жатканда эле сүйүнчү пул алууга да арыз берип коё алат. Андан сырткары, жарандын абалдык актыларын каттоо (ЗАГС) жана калкты тейлөө борборлоруна да арыз беришсе болот. Аталган борборлор арызды Эмгек жана социалдык өнүктүрүү министрлигине электрондук форматта өткөрүп беришет.

"Аны менен катар ыйгарым укуктуу мамлекеттик органдар 2018-жылдын 1-июнуна чейинки мөөнөттө долбоордун жыйынтыктарын жалпылап, пилоттук долбоор оң жыйынтык берген учурда өкмөткө сүйүнчү пулду туруктуу негизде чектөө жөнүндө маселелерди жөнгө салууга багытталган сунуштарды киргизип туруусу зарыл", - дешти өкмөттүк аппараттан.

Пилоттук долбоор 2018-жылдын 5-февралынан 30-апрелине чейин ишке ашырылат. Ошол эле учурда сүйүнчү пул алуу боюнча арыздарды кабыл алуу жана каттоо Кыргыз Республикасынын аймагында гана ишке ашат жана өлкө аймагында туруктуу жашаган жарандар гана алууга укуктуу.

Жаңы төрөлгөн балдарга сүйүнчү пул берүү боюнча мыйзам 1-январда күчүнө киргени менен, Эмгек жана социалдык өнүктүрүү министрлигинин бир жума мурунку маалыматы боюнча, азырынча эч ким сүйүнчү пул ала элек.

Өкмөттүн 370-токтомуна ылайык, баланын жашаган жерине жараша 4 миң сомго коэффициенттер кошулмакчы. Мисалы, Кара-Кулжа районунун алыскы айылдарына 1,2 коэффициент кошулуп, берилчү акчанын суммасы 4 миң 800 сом болот. Ал эми Ат-Башы районунун эң алыскы айылдарына 1,8 коэффициент аныкталса, жалпы сумма 7200 сом болот.

Министрликтин маалыматына ылайык, өлкө аймагында 2018-жылы болжолдуу түрдө 159 миң ымыркай төрөлүшү мүмкүн.

Автор: Жамалидин Парманкулов

08:27 06-02-2018

Жазылуу

РУБРИКАДАГЫ СОҢКУ КАБАРЛАР

00:02 2025-07-09 | Саясат

Тажикстандын борборунда кыргыз ыр-күүлөрү жаңырды 336 0

23:31 2025-07-08 | Түркүн дүйнө

Дональд Трамп Орусияны коркутууга алды 1273 0

23:19 2025-07-08 | Саясат

Душанбеде кыргыз-тажик өндүрүмдөр көргөзмөсү болду. Ага эки өлкөнүн лидерлери барды 399 0

22:50 2025-07-08 | Түркүн дүйнө

Ярославль шаарында бороон бак-дарактарды кыйратып, жолдор жабылды (видео) 418 0

22:08 2025-07-08 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 822 0

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 1439 0

Архив

Комментарийлер (5)

nazira1989

2018-02-06 08:49:09

Бул буйрук декретте отурган,2017 жылы коз жарып,бирок суйунчу пул да,жолок пул да алалбай отурган мугалимдерге да тиешеси барбы же...Иштейт экенсин деп эч бир документимди кабыл албай жатышат,ушуга жооп таппай койдум 1,5 айдан бери...(

Bolunbo.kyrgyz

2018-02-06 13:25:16

nazira1989, 2018-жыл 1-январда торолгон балдарга бертлет экен

nazira1989

2018-02-06 17:23:49

Bolunbo.kyrgyz,ооба.Бирок мурун торолгон ымыркайларга 1000 сомдун тегерегинде суйунчу берилчу го,ошону да алалбай жатпайбызбы иштеп журуп декретте экенсин деп.Эми канткенде,кандай жол мн аласак экен же такыр албайбызбы деп отурабыз.

Наргиза Талантбек кызы

2018-02-06 08:56:18

2018-жылдан баштап... Быйыл көз жарсаңыз аласыз сүйүнчү пул)

Eksvp_1

2018-02-06 09:19:33

Бөбөктөрдүн долясын бергиле, убара кылбай аларды да.

Комментарий калтыруу үчүн өз ысымыңыз менен кириңиз же каттоодон өтүңүз.