Кытайда жаш эне оорулуу наристесин дарылоого акча чогултуу үчүн эмчек сүтүн сатууда

Кытайда жаш эне оорулуу наристесин дарылоого каражат топтоо максатында эмчек сүтүн сатууда. Бул тууралуу кытайлык басылмалар жазып чыгышты.

Маалым болгондой, Кытайдын Шэньчжень шаарында жолдошу менен бирге мигрант катары иштеп жүргөн 24 жаштагы эне эгиз кыздарды төрөгөн. Алардын биринин ден соолугу начар төрөлүп, оор инфекциялык дарт жана менингит менен жабыркай турганы аныкталган. Жаш ата-эненин наристени дарылоого каражаты жетпегендиктен, энеси эмчек сүтүн сатып, каражат топтоону чечкен.

"Кызыбыздын өмүрүн сактап калуу үчүн эмчек сүтүн сатабыз. Ымыркайды бир мүнөт эмизүү үчүн 10 юань", - деген жазуусу жана наристенин сүрөтү чапталган кагазды көчөгө коюп алган эненин сүрөтү жана видеолору интернетке жайылып, учурда кытайлыктар жана медицина кызматкерлери жаш үй-бүлөгө жардам берүүгө аракет кылып жатышканы айтылат.