ЖЫЛНААМА, 19-ФЕВРАЛЬ: Мурдагы ички иштер министри Мелис Турганбаев 56 жашка чыкты

Мурдагы ички иштер министри Мелис Турганбаев 1962-жылы Кыргыз ССРинин Фрунзе шаарында туулган. 1983-жылы Кыргыз мамлекеттик университетинин экономист кесибин, 1986-жылы Ленинград шаарында СССРдин ИИМнин жогорку курсун бүтүргөн.

Эмгек жолу:

1986-жылы Кыргыз ССРинин ИИМнин кылмыш иликтөө башкармалыгынын оперативдик кызматкери;

1987-жылы Бишкек шаарынын Свердлов райондук ички иштер бөлүмүнүн кылмыш иликтөө бөлүмүнүн оперативдик кызматкери;

1993-жылы Бишкек шаарынын Свердлов райондук ички иштер бөлүмүнүн кылмыш иликтөө бөлүмүнүн начальниги;

1996-жылы Бишкек шаарынын Свердлов райондук ички иштер бөлүмүнүн начальнигинин орун басары;

1998-жылы ИИМдин кылмыш иликтөө башкармалыгынын начальнигинин орун басары;

2000-жылы ИИМдин кылмыш иликтөө башкы башкармалыгынын начальнигинин орун басары, ошол эле убакта оор кылмыштуулукка каршы башкармалыгынын начальниги болуп эмгектенген;

2001-жылы Бишкек шаарынын Биринчи Май райондук ички иштер бөлүмүнүн начальниги. Ушул эле жылы Бишкек шаардык ички иштер башкы башкармалыгынын начальнигинин орун басары;

2005-жылы ИИМдин кылмыш иликтөө башкы башкармалыгынын начальниги, ушул эле жылы Бишкек шаардык башкы башкармалыгынын начальнигинин орун басары;

2006-жылы ИИМдин уюшкан кылмыштуулукка каршы башкы башкармалыгынын начальниги;

2008-жылы ички иштер министринин биринчи орун басары. Ошол эле жылы Баңгизаттарды көзөмөлдөө агенттигинин директору;

2010-жылы ички иштер министринин биринчи орун басары;

2012-жылдын ноябрь айынан тарта Бишкек ШИИББнин жетекчиси;

2014-жылдын 1-октябрынан 2016-жылдын май айынан чейин ички иштер министри.

Сыйлыктары:

Президенттин буйругу менен мамлекеттик даражадагы сыйлыктар менен сыйланган. Алсак, "Даңк" жана 2-даражадагы "Күжүрмөн кызмат өтөгөндүгү үчүн" медалдарынын ээси, Жогорку Кеңештин Ардак Грамотасы менен да сыйланган.

Ошондой эле Мелис Турганбаев Кыргыз Республикасынын Эркин күрөш федерациясынын президенти.

Автор: Мунарбек Жоргомов