АКШда окуучулар курал-жарактар боюнча мыйзамдарды күчөтүү талабы менен акция өткөрүштү

Америка кошмо штаттарында окуучулар Ак Үйдүн алдында жерге жатып алып курал-жарактар боюнча мыйзамдарды күчөтүү талабы менен акция өткөрүштү. Бул тууралуу чет элдик жалпыга маалымдоо каражаттары жазып чыгышты.

Белгилүү болгондой, окуучулар, мугалимдер жана ата-энелер бийлик өкүлдөрүнөн курал-жарактарды сатуу жана колдонуу боюнча мыйзамдарды күчөтүү талабын коюшкан. Акцияга 14-февралда Флоридада мектепте болуп өткөн ок аттуу себеп болгон. Ал окуяда 17 адам каза болуп 50дөн ашуун адам жаракат алган болчу.

Иш-чараны Элеонор Нехтерлайн жана Уитни Боуэн аттуу окуучулар уюштурган. Алар демилгесин социалдык тармактарга жарыялашып, кийин аталган демилгени көптөгөн адамдар колдошуп Ак Үйдүн алдына чогулушкан.