Депутаттын "башкы инженердин 50 батири бар" деп айтканы боюнча "Бишкек жылуулук тармагы" комментарий берди

Михаил Курганов Бүгүн, 20-февралда Жогорку Кеңештин Эл аралык иштер, коргоо жана коопсуздук боюнча комитетинин жыйынында депутат Тынчтык Шайназаров "Бишкек жылуулук тармагы" компаниясынын башкы инженери Михаил Кургановдун 50 батири бар экенин айткан. Депутаттын билдиришинче, аталган компания жылуулук тармагына туташтыруу үчүн ал ар бир объектиден бир батир алып турат.

Депутаттын айткандары боюнча "Бишкек жылуулук тармагы" компаниясынын маалымат кызматы комментарий берди. Мекеменин маалыматына караганда, мындан бир жыл мурун да бул боюнча депутат Мирлан Бакиров тарабынан маселе көтөрүлүп, Башкы прокуратура жана Экологиялык жана техникалык мамлекеттик инспекциясы текшерүү жүргүзгөн. Жыйынтыгында депутаттын айткандары аныкталган эмес.

"Объектилерди жылуулук тармагына туташтыруу жол-жоболору өкмөттүн 2016-жылы кабыл алган №171-токтомунда көрсөтүлгөн тартипте гана жүрөт. Мисалга алсак, акыркы эки жылда 160 объектини жылуулук тармагына туташтырууга техникалык кызмат көрсөтүлүп, алар төлөгөн акчанын көлөмү 420 миллион сом болгон. Курулуш компаниялары төлөнгөн акчадан сырткары да бир батир берет деген маалымат чындыкка дал келбейт. Компаниянын техникалык кызмат көрсөтүүлөрүн укук коргоо органдары жана башка тийиштүү кызматтар жыл сайын текшерип турат", - деп билдиришти "Бишкек жылуулук тармагы" компаниясынан.

"Бишкек жылуулук тармагынын" расмий сайтына таянсак, Михаил Курганов учурда компаниянын башкы директорунун техникалык маселелер боюнча биринчи орун басары кызматын ээлейт. Ал бул тармакта 1983-жылдан бери эмгектенип келет.

Автор: Жамалидин Парманкулов

22:32 20-02-2018

Жазылуу

РУБРИКАДАГЫ СОҢКУ КАБАРЛАР

11:58 2025-07-09 | Саясат

Ташиев: "Быйыл УКМКнын ар бир кызматкери турак-жай менен камсыз болот" 76 0

11:46 2025-07-09 | Коом жана турмуш

Дайырбек Орунбеков ЖМК өкүлдөрүнө жана блогерлерге кайрылды 200 0

11:28 2025-07-09 | Түркүн дүйнө

Бүгүнкү күнгө карата жылдыз төлгө 236 0

11:25 2025-07-09 | Коом жана турмуш

АКШда сел жүрүп, турак жайларды агызып кетти 252 0

11:14 2025-07-09 | Коом жана турмуш

Дүйнөлүк валюталардын бүгүнкү күнгө карата наркы 201 0

11:06 2025-07-09 | Спорт

Камчыбек Ташиевдин уулу "Мурас Юнайтед" клубунда ойнойт 365 0

Архив

Комментарийлер (5)

Medinaa

2018-02-20 23:19:39

Үйсүздөргө берсе жакшы болмок!Озү жашабагандан кийин...

ararat...

2018-02-20 23:34:34

Medinaa,Пейилиниз кенен кыз окшойсуз) Алганы чын болсо да бербейт да,ал дагы бизнес да озунчо...

Dolbooruwka

2018-02-20 23:36:51

Оххооо 34 жылдан бери иштесе онор эмес го. Байлыкты го керегинче чогултту, бул керек болсо директору каалагандай калчайт турбайбы. Ыыыыы иш коп экен бул Михаил Кургановто мммммм!!!

rysik79

2018-02-20 23:57:08

Курган доскенин болушо турган дан дан адамдары бар доляда отурган.

admin_superstan

2018-02-21 14:44:50

Ask094, баш тамгалар грамматика эрежелерине ылайык гана колдонулушу керек.

Комментарий калтыруу үчүн өз ысымыңыз менен кириңиз же каттоодон өтүңүз.