28-февралдан тартып Бишкек-Екатеринбург эл аралык унаа каттамы өз ишин баштайт. Бул тууралуу орус басылмалары жазып чыгышты.
"Ушул жылдын 28-февралынан баштап Екатеринбургдун түндүк автобекети Бишкек шаарына жүргүнчүлөрү менен автобусту жөнөтө баштайт. Аталган багыт боюнча каттам Казакстан аркылуу жүргүзүлгөндүктөн, жүргүнчүлөргө 2 чек араны өтүүгө туура келет", - деп жазылат маалыматта.
Белгилей кетсек, жолдо жүрүү убактысы 49 саат 10 мүнөттү түзүп, эки жарым миң километр жол жүрөт. Башка каттамдардан өзгөчөлүгү жолдон жүргүнчүлөрдү чыгаруу жана түшүрүү болбойт, болгону талап кылынса техникалык оңдоо үчүн автобус токтошу мүмкүн.