"ЭЛДИК КАБАРга" жооп: Оштогу балдар ооруканасына жергиликтүү чиновник эмне үчүн барганы белгилүү болду

Бүгүн, 21-февралда Оштогу облустар аралык балдар клиникалык ооруканасына өкмөттүн Ош облусундагы ыйгарым укуктуу өкүлү Таалайбек Сарыбашов таанышуу максатында барды. Бул тууралуу SUPER.KG порталына анын жардамчысы Жумамидин Сулайманкулов билдирди.

Анын айтымында, Сарыбашев ооруканадагы бөлмөлөрдүн тазалыгы, жылуулугу, шарттары жана тамак-ашы, дарылануу режими кандай экендигин өз көзү менен көрдү. "Эл эч токтоосуз эле кирип жатты. Эч кимге чек коюлган жок. Сарыбашов кезек күтүп турган жарандар менен учурашты, баарлашты ал-акыбалын сурады. Эч кимди киргизбегиле деген талап болгон эмес. Оорукана кадимки режимде иштеп жатты. Губернатор барып дарыгерлерди чогултуп жыйын кылган жок. Аны башкы дарыгер гана коштоп жүрдү", - деди Сулайманкулов.

Ал эми сыртта күтүүгө мажбур болгон жарандар боюнча жардамчы төмөнкүдөй жооп берди. "Оорукананын күзөт кызматы унаалардын кирүүсүнө губернатор барса, барбаса деле чектөө коёт, анткени ооруканада унаа токтотуучу жай жок. Бирок күзөт кызматы жарандарды киргизбей коё албайт, акысы да жок", - деп түшүндүрдү Сулайманкулов.

Оорукананын директорунун орун басары Жыргалбек Кадыров да Ош облусунун губернаторунун ооруканага келишинен кардарларга эч кандай тоскоолдук жаралбаганын айтты. "Таалайбек Сарыбашов элден кабар алганы келиптир. Дарыгерлер болсо өз учурунда элди кабыл алууда, операциялар өз учурунда жасалып жатат. Ал эми сырт жактагы унаа токтотуучу жайдагы унаа тыгындар бизге карабайт, аны мэрия билет”, - деди Кадыров.

Эске салсак, буга чейин окурман SUPER.KG'ге кайрылып, Ош облустук балдар клиникалык ооруканасына өкмөттүн Ош облусундагы ыйгарым укуктуу өкүлү келип, эч кимди ооруканага киргизбей жатат деп нааразычылыгын билдирген.

Автор: Бактыяр Кыдыралиев

12:29 21-02-2018

Жазылуу

РУБРИКАДАГЫ СОҢКУ КАБАРЛАР

11:44 2025-07-08 | Саясат

Садыр Жапаровдун Эмомали Рахмон менен расмий жолугушуу аземи өттү 109 0

11:43 2025-07-08 | Кылмыштар, кырсыктар

Бишкекте пара берүүгө шектүү блогер кармалды 185 0

11:36 2025-07-08 | Кылмыштар, кырсыктар

Сокулукта аскер адамы катышкан мушташ орун алды 162 0

11:28 2025-07-08 | Кылмыштар, кырсыктар

Сүрөткө түшүп жатып каза болгон туристтин акыркы секунддары видеого түшүп калган 393 0

11:14 2025-07-08 | Саясат

Садыр Жапаров Душанбеде Исмоил Сомонинин эстелигине гүлчамбар койду 232 0

11:05 2025-07-08 | Коом жана турмуш

Ала-Арчада нидерланддык туристке жардам көрсөтүлдү (видео) 189 0

Архив

Комментарийлер (2)

Ananasky

2018-02-21 23:07:56

Ушул больницадан кече чыктык Балам экообуз , даарыгерлери аябай жакшы оз ишин мыкты аткарган адамдар экен , озгочо чоон рахматымды айтам Айбашев Калдар Акбаралиевичке жана анын команда сына бар болунуздар.

ikitaidesu

2018-02-21 23:12:09

Эч бир бала оорубасын, алтын балдарыбызга бактылуу балалык насип кылсын!!!

Комментарий калтыруу үчүн өз ысымыңыз менен кириңиз же каттоодон өтүңүз.